مغربی چمپارن (بگھا)، 25 مارچ (ہ س)۔ والمیکی نگر کے ایم پی سنیل کمار نے وزیر داخلہ امت شاہ سے ملاقات کرکے اپنے پارلیمانی حلقہ کے مختلف مطالبات پر تبادلہ خیال کیا۔ رکن پارلیمنٹ نے کہا کہ وزیر داخلہ نے ان کے خدشات کو غور سے سنا اور انہیں فوری کارروائی کی یقین د ہانی کرائی۔ ان کے مطالبات میں بھارت نیپال سرحد پر بہار کے مغربی چمپارن ضلع کے قریب واقع متنازع سوستا گاؤں پر نیپال کے قبضے اور آئین کے آٹھویں شیڈول میں بھوجپوری زبان کو شامل کرنے کے معاملے پر بات چیت شامل ہے۔

انہوں نے وزیر داخلہ سے سمراٹ اشوک کے یوم پیدائش کو قومی تعطیل کا اعلان کرنے کی بھی درخواست کی۔ انہوں نے وزیر داخلہ کی توجہ والمیکی نگر لوک سبھا حلقہ کے تحت قبائلی اکثریتی ڈان علاقے میں بنیادی سہولیات فراہم کرنے اور کیلاش نگر، بگھا میں ریلوے اراضی پر رہنے والے کٹاؤ متاثرین کے مسائل کو حل کرنے کی ضرورت کی طرف بھی مبذول کرائی۔

قابل ذکر ہے کہ دونوں علاقوں کے عوامی نمائندوں اور سماجی کارکنوں کے ایک وفد نے بہار اسمبلی انتخابات کے بعد اس مسئلہ کو لے کر وزیر داخلہ سے ملاقات کی تھی۔

ہندوستھان سماچار

ہندوستان سماچار / Mohammad Afzal Hassan