ویلنگٹن (نیوزی لینڈ)، 22 مارچ (ہ س)۔

جنوبی افریقہ کی مردوں کی ٹیم نے پانچ میچوں کی T20I سیریز میں واپسی کرتے ہوئے اتوار کو چوتھے T20I میں نیوزی لینڈ کو 19 رنز سے شکست دے کر سیریز 2-2 سے برابر کر دی۔ آخری ٹی ٹوئنٹی 25 مارچ کو کھیلا جائے گا۔

ویلنگٹن میں کھیلے گئے میچ میں جنوبی افریقہ نے ٹاس جیت کر پہلے بیٹنگ کا فیصلہ کرتے ہوئے مقررہ 20 اوورز میں 5 وکٹوں کے نقصان پر 164 رنز بنائے۔ جواب میں نیوزی لینڈ کی ٹیم 18.5 اوورز میں 145 رنز پر آل آو¿ٹ ہوگئی۔

165 کے ہدف کے تعاقب میں نیوزی لینڈ کی شروعات اچھی رہی، پاور پلے میں 50 سے زائد رنز بنائے۔ تاہم اس دوران انہوں نے دو وکٹیں بھی گنوائیں۔ کیٹلین کلارک 9 اور ٹم رابنسن 32 رنز بنا کر آو¿ٹ ہوئے۔ نیوزی لینڈ کی تیسری وکٹ نویں اوور میں ڈین کلیور کی صورت میں گری، وہ 26 رنز بنا سکے۔ اس کے بعد بیون جیکبز 3 اور کپتان جیمز نیشم 6 رنز بنا کر آو¿ٹ ہوئے۔

14ویں اوور میں نک کیلی 19 رنز اور کول میکونچی 10 رنز بنا کر آو¿ٹ ہوئے۔ آخر میں جیکوری فالک 7 رنز، جوش کلارکسن 10 رنز اور کائل جیمیسن 13 رنز بنا کر آو¿ٹ ہوئے اور ٹیم 18.5 اوورز میں 145 رنز پر آل آو¿ٹ ہو گئی۔ جنوبی افریقہ نے یہ میچ 19 رنز سے جیت لیا۔

جنوبی افریقہ کی جانب سے جیرالڈ کوٹزی نے 3، اوٹنیل بارٹ مین، پرینیلن سبراین اور کیشو مہاراج نے 2، 2 وکٹیں حاصل کیں اور ویان مولڈر نے ایک وکٹ حاصل کی۔

اس سے قبل جنوبی افریقہ نے پانچ وکٹوں پر 164 رنز بنائے تھے۔ ٹیم کے وکٹ کیپر بلے باز کانر ایسٹرہوزن نے سب سے زیادہ 57 رنز بنائے، انہوں نے تین چھکے اور سات چوکے لگائے۔ اس کے علاوہ ٹونی ڈی جارجی نے 23، روبن ہرمن نے 28 ناٹ آو¿ٹ، ڈیان فورسٹر نے 19، جیسن اسمتھ نے 19 اور جارج لنڈے نے ناٹ آو¿ٹ 14 رنز بنائے۔

نیوزی لینڈ کی جانب سے کائل جیمیسن نے 2 جب کہ جیکری فالکس، بین سیئرز اور کولے میک کانچی نے ایک ایک وکٹ حاصل کی۔

ہندوستھان سماچار

ہندوستان سماچار / عطاءاللہ