گوہاٹی، 20 مارچ (ہ س) الیکشن کمیشن نے اسمبلی انتخابات کے پیش نظر تمام سیاسی اشتہارات کے لیے میڈیا سرٹیفیکیشن اینڈ مانیٹرنگ کمیٹی (ایم سی ایم سی) سے پیشگی اجازت لینا لازمی قرار دیا ہے۔
جمعہ کو جاری کمیشن کی ہدایت کے مطابق سیاسی جماعتوں اور امیدواروں کو تمام الیکٹرانک اور انٹرنیٹ پر مبنی پلیٹ فارمز بشمول ٹی وی، ریڈیو اور سوشل میڈیا پر اشتہارات شائع کرنے سے پہلے سرٹیفیکیشن حاصل کرنا ہوگا۔ امیدواروں کو نامزدگی کے وقت اپنے آفیشل سوشل میڈیا اکاو¿نٹس کی تفصیلات بھی فراہم کرنے کی ضرورت ہے۔
کمیشن نے پیڈ نیوز اور جعلی خبروں کی کڑی نگرانی کی ہدایت کی ہے۔ مزید برآں، عوامی نمائندگی ایکٹ، 1951 کے تحت، سیاسی جماعتوں کو انتخابات کے اختتام کے 75 دنوں کے اندر اپنی ڈیجیٹل مہم کے اخراجات کی تفصیلات جمع کرانی ہوں گی۔
---------------
ہندوستان سماچار / عبدالسلام صدیقی
