نئی دہلی، 19 مارچ (ہ س)۔ کانگریس کے سابق صدر اور لوک سبھا میں اپوزیشن لیڈر راہل گاندھی نے دہلی کے اتم نگر میں ہولی کے موقع پر 26 سالہ ترون کھٹک کے قتل سے گمراہ ہوئے بغیر لوگوں سے بھائی چارہ اور ہم آہنگی برقرار رکھنے کی اپیل کی۔

جمعرات کو ایک انسٹاگرام پوسٹ میں راہل گاندھی نے کہا کہ اتم نگر کے لوگوں نے تشدد کی بھاری قیمت ادا کی ہے۔ ایک طرف نوجوان لڑکا ترون اپنی جان سے ہاتھ دھو بیٹھا تو دوسری طرف پورا خاندان ظلم و ستم کا شکار ہے۔

راہل نے کہا کہ لوگ مزید خونریزی نہیں چاہتے۔ نفرت پھیلانے والے چاہتے ہیں کہ ملک ہندو مسلم مسئلہ میں الجھا رہے تاکہ لوگ حکومت سے بنیادی مسائل پر سوال نہ پوچھ سکیں۔ انہوں نے عوام سے اپیل کی کہ وہ گمراہ نہ ہوں۔ ملک کی طاقت ہمارے اتحاد، بھائی چارے اور محبت میں پنہاں ہے۔ انہوں نے کہا کہ جوڑو جوڑو بھارت جوڑو۔

ہندوستھان سماچار

---------------

ہندوستان سماچار / عبدالواحد