گوہاٹی، 19 مارچ (ہ س) وزیراعلیٰ ڈاکٹر ہمنتا بسوا سرما نے اپنے سوشل میڈیا پلیٹ فارم ایکس پر کہا کہ زوبین گرگ قتل کیس کی سماعت کے لیے ایک خصوصی فاسٹ ٹریک عدالت تشکیل دی گئی ہے تاکہ کیس کو تیزی سے نمٹایا جاسکے۔

وزیر اعلیٰ نے بتایا کہ گوہاٹی ہائی کورٹ کے چیف جسٹس آشوتوش کمار نے باکسا ڈسٹرکٹ جج شرمیلا بھویان کو مقدمے کی روزانہ سماعت کرنے کے لیے فاسٹ ٹریک سیشن کورٹ کی صدارت کرنے کے لیے نامزد کیا ہے۔ توقع ہے کہ اس اقدام سے عدالتی عمل میں تیزی آئے گی اور جلد انصاف کو یقینی بنایا جائے گا۔

وزیراعلیٰ نے گوہاٹی ہائی کورٹ کی بھی تعریف کی اور چیف جسٹس آشوتوش کمار کا شکریہ ادا کیا کہ انہوں نے اس کیس کے لیے خصوصی فاسٹ ٹریک عدالت قائم کرنے کی ریاستی حکومت کی درخواست کو قبول کیا۔

قابل ذکر ہے کہ آسام پولیس کی خصوصی تفتیشی ٹیم (ایس آئی ٹی)، جس کی تشکیل کرمنل انویسٹی گیشن ڈیپارٹمنٹ (سی آئی ڈی) نے کی تھی، نے دسمبر 2025 میں گوہاٹی کی ایک عدالت میں گلوکارہ کی موت کے معاملے میں ایک تفصیلی چارج شیٹ داخل کی تھی۔

یہ تفتیش 19 ستمبر 2025 کو سنگاپور میں زوبین گرگ کی پراسرار موت کے بعد شروع ہوئی تھی۔اطلاعات کے مطابق گرگ کی موت سمندری سفر کے دوران نارتھ ایسٹ انڈیا فیسٹیول میں شرکت کے لیے سنگاپور جاتے ہوئے ہوئی تھی۔

گوہاٹی کے چیف جوڈیشل مجسٹریٹ کی عدالت میں داخل کی گئی چارج شیٹ میں سات لوگوں کے نام درج ہیں۔ ان میں سے چار، بشمول فیسٹیول کے منتظم شیامکانو مہانتا، زوبین کے منیجر سدھارتھ شرما، بینڈ کے رکن شیکھر جیوتی گوسوامی، اور شریک گلوکار امرتا پربھا مہنتا، پر قتل کا الزام عائد کیا گیا ہے۔

زوبین گرگ کے کزن اور آسام کے معطل پولیس افسر سندیپن گرگ پر غیرارادتا قتل کا الزام لگایا گیا ہے۔ چارج شیٹ میں گرگ کے پرسنل سیکورٹی آفیسر کا نام بھی ہے۔

توقع ہے کہ اس نئی پیشرفت سے زبین کے اہل خانہ اور ان کے حامیوں کو راحت ملے گی، جو اس کیس کی فاسٹ ٹریک عدالت میں سماعت کا مطالبہ کر رہے تھے۔

---------------

ہندوستان سماچار / عبدالسلام صدیقی