نئی دہلی، 19 مارچ (ہ س)۔ بدھ کی شام بارش اور جمعرات کو ہلکی بوندا باندی نے دہلی- قومی راجدھانی خطے میں درجہ حرارت میں 5 سے 10 ڈگری سیلسیس کی کمی کردی۔ پالم اور صفدرجنگ میں درجہ حرارت 29 ڈگری سے گر کر 19 ڈگری سیلسیس پر آگیا، جبکہ لودھی روڈ میں 8.5 ڈگری کی گراوٹ ریکارڈ کی گئی۔ دیگر علاقوں میں بھی درجہ حرارت 5 سے 10 ڈگری تک گر گیا۔ بارش سے موسم خوشگوار ہوا ہے اور ہوا کے معیار میں بہتری آئی ہے۔

محکمہ موسمیات نے آج (19 مارچ) بارش کے لیے ایلو الرٹ جاری کیا ہے، جس میں انتباہ دیا گیا ہے کہ دوپہر اور رات کے درمیان گرج چمک اور تیز ہوائیں چل سکتی ہیں۔ جمعرات کی صبح بھی کئی علاقوں میں ہلکی بوندا باندی ہوئی اور ٹھنڈی ہواؤں سے موسم خوشگوار ہوگیا۔ آئندہ دو روز تک موسم میں اتار چڑھاؤ جاری رہے گا، کبھی کبھار بارش اور گرج چمک کے ساتھ بارش ہو گی۔ دارالحکومت کے کئی علاقوں میں صبح سے ہی بادل چھائے رہے اور ہوا کی رفتار معمول سے زیادہ تھی۔

بارش اور گرج چمک کے باعث ہوا کا معیار بھی بہتر ہوا۔ مرکزی آلودگی کنٹرول بورڈ کے مطابق بارش کے بعد آنند وہار میں اے کیو آئی 198 سے کم ہو کر 145، اشوک وہار میں 175 سے کم ہو کر 139، بوانا میں 183 سے 147، روہنی میں 196 سے 140 اور جے این یو میں 129 سے کم ہو کر اے کیو آئی 112 اے پورٹ اے کیو آئی 127 پر ریکارڈ کیا گیا۔ دارالحکومت کے کئی علاقوں میں آلودگی کی سطح میں کمی ریکارڈ کی گئی ہے۔ تالکٹورہ گارڈن میں بھی اے کیو آئی 131 سے کم ہو کر 119 ہو گیا۔

ہندوستھان سماچار

---------------

ہندوستان سماچار / عبدالواحد