نئی دہلی، 18 مارچ (ہ س)۔ الیکشن کمیشن نے پانچ ریاستوں اور مرکز کے زیر انتظام علاقوں میں انتخابات کے مختلف مراحل کے ہموار اور منظم انعقاد کو یقینی بنانے کے لیے 25 لاکھ سے زیادہ انتخابی عملے کو تعینات کیا ہے۔ ان انتخابات میں اہل ووٹرز کی تعداد 17.4کروڑسے زیادہ ہے۔ اس کا مطلب ہے کہ ہر 70 ووٹرز کے لیے تقریباً ایک انتخابی عملہ تعینات ہے۔الیکشن کمیشن کے مطابق تعینات کیے گئے اہلکاروں میں تقریباً 15 لاکھ پولنگ اہلکار، ساڑھے 8 لاکھ سیکیورٹی اہلکار، 40 ہزار گنتی اہلکار، 49 ہزار مائیکرو مبصر، 21 ہزار سیکٹر افسران، گنتی کے لیے 15 ہزار مائیکرو آبزرور اور دیگر افسران شامل ہیں۔کمیشن کے مطابق، نچلی سطح پر انتخابی مشینری، بشمول 21لاکھ سے زیادہ بی ایل او، ووٹرز کے لیے فون کالز کے ذریعے دستیاب ہے اور ای سی آئی این ای ٹی ایپ پر بی ایل اوز کو کال بک کرنے کی سہولت ہے۔ ایک کال سینٹر نمبر، +91 (ایس ٹی ڈی کوڈ) 1950، ڈی ای او/آر او کی سطح پر کسی بھی شکایات/سوالات کے اندراج کے لیے بھی دستیاب ہے۔قابل ذکر ہے کہ انتخابی شیڈول کا اعلان کرتے ہوئے چیف الیکشن کمشنر گیانیش کمار نے کہا تھا کہ عہدیداروں کو مکمل غیر جانبداری کے ساتھ کام کرنے کی ہدایت دی گئی ہے تاکہ یہ یقینی بنایا جاسکے کہ انتخابات تشدد اور لالچ سے پاک ہوں اور ہر ووٹر بغیر کسی خوف اور تعصب کے اپنا ووٹ ڈال سکے۔اس سے قبل عام انتخابات اور ضمنی انتخابات کے دوران کمیشن کی نگرانی کے لیے 832 اسمبلی حلقوں میں 1,111 مرکزی مبصرین کو تعینات کیا گیا تھا۔ ان میں 557 جنرل مبصر، 188 پولیس مبصر اور 366 اخراجات کے مبصر شامل تھے۔ہندوستھان سماچار

ہندوستان سماچار / Mohammad Khan