کولکاتا، 17 مارچ (ہ س): پیر کی رات 72 کلومیٹر فی گھنٹہ کی رفتار سے تیز بارش اور تیز ہواو¿ں کی وجہ سے، منگل کی صبح کولکاتا میں کم سے کم درجہ حرارت تقریباً پانچ ڈگری سیلسیس گر گیا۔

کولکاتا کے علی پور کے علاقائی موسمیاتی مرکز کے مطابق منگل کی شام بھی شہر اور جنوبی بنگال کے کئی اضلاع میں گرج چمک کے ساتھ بارش کا امکان ہے۔

محکمہ موسمیات کے مطابق، پیر کی گرج چمک اور ہلکی بارش کے بعد، منگل کو شہر کا کم سے کم درجہ حرارت معمول سے 5.2 ڈگری کم ہوکر 18.4 ڈگری سیلسیس پر آگیا، جو ایک دن پہلے 23.6 ڈگری سیلسیس تھا۔ اس کمی نے مارچ کے وسط کے موسم میں ہلکی سردی لا دی ہے۔

محکمہ نے کہا کہ خلیج بنگال سے نم ہوائیں چل رہی ہیں جس کی وجہ سے ریاست میں یہ موسم برقرار رہے گا۔ یہ صورتحال ہفتہ تک جاری رہنے کی توقع ہے جس کے بعد موسم صاف ہونے اور بارش کم ہونے کی امید ہے۔

منگل کو کولکاتا سمیت شمالی اور جنوبی 24 پرگنہ، مغربی مدنی پور، جھارگرام، نادیہ، بیربھوم اور مرشد آباد اضلاع میں گرج چمک کے ساتھ بارش اور 30 سے 40 کلومیٹر فی گھنٹہ کی رفتار سے ہوائیں چلنے کی وارننگ جاری کی گئی ہے۔

پرولیا، بنکورا، مشرقی اور مغربی بردھمان، بیر بھوم، مرشد آباد اور نادیہ کے کچھ حصوں میں بدھ کو ہلکی بارش کا امکان ہے، جبکہ دیگر اضلاع میں موسم خشک رہنے کی امید ہے۔

19 اور 21 مارچ کے درمیان جنوبی بنگال کے کئی اضلاع میں بارش کی شدت میں اضافہ ہو سکتا ہے۔ جھارگرام، مغربی مدنی پور، پورولیا، مشرقی اور مغربی بردھمان، بیر بھوم اور مرشد آباد میں گرج چمک کے ساتھ ہلکی سے درمیانی بارش اور تیز ہواو¿ں کی توقع ہے۔ بعض علاقوں میں 50 سے 60 کلومیٹر فی گھنٹہ کی رفتار سے تیز ہوائیں چلنے کا بھی امکان ہے۔

21 مارچ کو جنوبی بنگال کے بیشتر اضلاع میں گرج چمک کے ساتھ بارش کے امکانات ہیں۔

اس دوران شمالی بنگال میں بارش جاری رہنے کی توقع ہے۔ محکمہ موسمیات نے 23 مارچ تک تمام اضلاع میں ہلکی سے درمیانی بارش اور گرج چمک کے ساتھ بارش کی وارننگ جاری کی ہے۔

منگل سے دارجلنگ، جلپائی گوڑی، کلمپونگ، علی پوردوار، کوچ بہار، شمالی اور جنوبی دیناج پور اور مالدہ اضلاع کے لیے 'یلو الرٹ' جاری کیا گیا ہے، جو اگلے پانچ دن تک موثر رہے گا۔

---------------

ہندوستان سماچار / عبدالسلام صدیقی