نئی دہلی، 13 مارچ (ہ س): رشبھ پنت کی قیادت والی لکھنو¿ سپر جائنٹس (ایل ایس جی) نے انڈین پریمیئر لیگ (آئی پی ایل) 2026 کے لیے تیاریاں شروع کر دی ہیں۔ ٹیم کے نئے کھلاڑیوں سے خطاب کرتے ہوئے، کپتان پنت نے کہا کہ سب کو ایک دوسرے سے سیکھنا چاہیے اور اس سیزن کے لیے کچھ نیا بنانے کی کوشش کرنی چاہیے۔
ایل ایس جی کی طرف سے شیئر کی گئی ایک ویڈیو میں پنت نے نئے کھلاڑیوں کا خیرمقدم کرتے ہوئے کہا کہ ٹیم نے گزشتہ سال کے کئی کھلاڑیوں کو برقرار رکھا ہے، کچھ نئے چہرے بھی ہیں۔ اس لیے آگے بڑھنے کے لیے ہر ایک کو ایک دوسرے کے ساتھ مضبوط تعلقات استوار کرنے کی ضرورت ہوگی۔
پنت نے کہا، ہم سب کو یہاں کے ہر کھلاڑی سے زیادہ سے زیادہ سیکھنے کی کوشش کرنی چاہیے۔ اگر ہم کرکٹ کے بارے میں بات نہیں کریں گے تو ہم بہتر نہیں ہو پائیں گے۔ ہمیں اس سیزن کے لیے کچھ بہتر بنانے کے لیے مل کر کام کرنا ہوگا۔
گزشتہ دسمبر میں منی نیلامی میں لکھنو¿ نے کئی نئے کھلاڑیوں کو ٹیم میں شامل کیا تھا۔ ان میں سری لنکا کے اسٹار آل راو¿نڈر وینندو ہسرنگا، جنوبی افریقہ کے تیز گیند باز اینریچ نورٹجے، مکل چودھری، نمن تیواری، اکشت راگھوونشی اور آسٹریلوی وکٹ کیپر بلے باز جوش انگلش شامل تھے۔ ٹیم نے ارجن تندولکر اور ہندوستانی فاسٹ بولر محمد شامی کو بھی تجارت کے ذریعے حاصل کیا۔
پچھلے سیزن میں پنت کی قیادت میں لکھنو¿ کی کارکردگی توقعات سے کم تھی۔ ٹیم نے لیگ مرحلے میں صرف چھ میچ جیتے اور پوائنٹس ٹیبل میں ساتویں نمبر پر رہے۔ اگرچہ آخری لیگ میچ میں رائل چیلنجرز بنگلور کے خلاف پنت کی شاندار ناقابل شکست 118 رن ٹیم کے لیے مثبت رہی لیکن رزلٹ دینے میں ناکام رہے۔
پنت نے کہا کہ اگرچہ کسی بھی سیزن کے آغاز میں ٹیم کا ہدف جیتنا ہوتا ہے، لیکن کھلاڑیوں کے لیے اپنے انفرادی اور ٹیم کے اہداف کے بارے میں واضح ہونا بھی ضروری ہے۔ انہوں نے وضاحت کی کہ یہ فی الحال پری سیزن کیمپ ہے، کیونکہ باقی کھلاڑی 15-16 مارچ کے آس پاس ٹیم میں شامل ہوں گے۔
لکھنو¿ سپر جائنٹس اپنی آئی پی ایل 2026 کی مہم پنجاب کنگز کے خلاف اپنے ہوم گراو¿نڈ، اٹل بہاری واجپائی ایکنا اسٹیڈیم میں 1 اپریل کو شروع کریں گے۔ پھر وہ 5 اپریل کو سن رائزرز حیدرآباد سے حیدرآباد میں کھیلیں گے۔
---------------
ہندوستان سماچار / عبدالسلام صدیقی
