علی گڑھ, 12 مارچ (ہ س)۔ علی گڑھ مسلم یونیورسٹی کی ریزیڈنشیئل کوچنگ اکیڈمی (آر سی اے) نے ایک اور نمایاں کامیابی حاصل کی ہے۔ اس کے دو طلبہ عبیداللہ اور ظہیر ارشاد بٹ نے جموں و کشمیر پبلک سروس کمیشن (جوڈیشل) امتحان 2025 پاس کیاہے۔

وائس چانسلر پروفیسر نعیمہ خاتون نے کامیاب امیدواروں کو مبارکباد پیش کرتے ہوئے ان کی محنت، لگن اور ثابت قدمی کو سراہا۔ انہوں نے کہا کہ اس طرح کی کامیابیاں یونیورسٹی کی تعلیمی ساکھ کو بہتر بناتی ہیں اور مسابقتی امتحانات کی تیاری کرنے والے دیگر امیدواروں کے لیے حوصلہ افزائی کا باعث بنتی ہیں۔

ڈائریکٹر آر سی اے پروفیسر محمد حسن نے کامیاب طلبہ کو مبارکباد دیتے ہوئے کہا کہ اکیڈمی طلبہ کو معیاری رہنمائی اور تربیت فراہم کرنے کے اپنے عزم پر قائم ہے۔ اسسٹنٹ ڈائریکٹرز ڈاکٹر فیروز احمد، ڈاکٹر علی عمران اور ڈاکٹر رباب خان کے ساتھ ساتھ فیکلٹی اراکین ڈاکٹر حبا اصلاحی اور مسٹر بابو علی نے بھی طلبہ کی اس کامیابی پر خوشی کا اظہار کیا اور کہا کہ یہ کامیابی منظم تیاری، مسلسل تعلیمی تعاون اور امیدواروں کے عزم و حوصلے کی عکاسی کرتی ہے۔

ہندوستھان سماچار

---------------

ہندوستان سماچار / سید کامران علی گڑھ