گلوبل مارکیٹ سے کمزوری کے اشارے، ایشیا میں بھی فروخت کا دباو

نئی دہلی، 12 مارچ (ہ س)۔ گلوبل مارکیٹ سے آج کمزوری کے اشارے مل رہے ہیں۔ امریکی بازار میں گزشتہ سیشن کے دوران فروخت کا دباو بنا رہا۔ ڈاو جونز فیوچرز بھی آج گراوٹ کے ساتھ کاروبار کرتا ہوا نظر آ رہا ہے۔ یورپی بازار بھی گزشتہ سیشن کے دوران کمزوری کے ساتھ بند ہوئے۔ وہیں ایشیائی بازاروں میں بھی آج چوطرفہ فروخت ہو رہی ہے۔

امریکی بازار میں گزشتہ سیشن کے دوران مسلسل دباو میں کاروبار ہوتا رہا۔ ڈاو جونز 300 پوائنٹس ٹوٹ گیا۔ اسی طرح ایس اینڈ پی 500 انڈیکس نے 0.08 فیصد کی گراوٹ کے ساتھ 6,775.80 پوائنٹس کی سطح پر گزشتہ سیشن کے کاروبار کا اختتام کیا۔ اس کے برعکس نیس ڈیک 0.08 فیصد کی معمولی سبقت کے ساتھ 22,716.13 پوائنٹس کی سطح پر بند ہوا۔ ڈاو جونز فیوچرز آج فی الحال 573.74 پوائنٹس یعنی 1.21 فیصد گر کر 46,843.53 پوائنٹس کی سطح پر کاروبار کرتا ہوا نظر آ رہا ہے۔

یورپی بازار میں بھی گزشتہ سیشن کے دوران مسلسل فروخت کا دباو بنا رہا۔ ایف ٹی ایس ای انڈیکس 0.56 فیصد کی گراوٹ کے ساتھ 10,353.77 پوائنٹس کی سطح پر بند ہوا۔ اسی طرح سی اے سی انڈیکس نے 0.19 فیصد کی کمزوری کے ساتھ 8,041.81 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 328.60 پوائنٹس یعنی 1.39 فیصد ٹوٹ کر 23,640.03 پوائنٹس کی سطح پر بند ہوا۔

ایشیائی بازار میں بھی آج چوطرفہ فروخت ہو رہی ہے۔ ایشیا کے سبھی 9 بازاروں کے انڈیکس سرخ نشان میں کاروبار کر رہے ہیں۔ گفٹ نفٹی 284.50 پوائنٹس یعنی 1.19 فیصد کی کمزوری کے ساتھ 23,631 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.86 فیصد کی گراوٹ کے ساتھ 4,822.18 پوائنٹس کی سطح پر پہنچا ہوا ہے۔ نکیئی انڈیکس میں آج زوردار گراوٹ نظر آ رہی ہے۔ فی الحال یہ انڈیکس 1,135.37 پوائنٹس یعنی 2.06 فیصد گر کر 53,890 پوائنٹس کی سطح پر آ گیا ہے۔

اسی طرح ہینگ سینگ انڈیکس 386.76 پوائنٹس یعنی 1.49 فیصد ٹوٹ کر 25,512 پوائنٹس کی سطح پر پہنچا ہوا ہے۔ اس کے علاوہ کوسپی انڈیکس 80.70 پوائنٹس یعنی 1.44 فیصد کی کمزوری کے ساتھ 5,529.25 پوائنٹس کی سطح پر، تائیوان ویٹیڈ انڈیکس 464.55 پوائنٹس یعنی 1.36 فیصد کی گراوٹ کے ساتھ 33,649.64 پوائنٹس کی سطح پر، شنگھائی کمپوزٹ انڈیکس 0.64 فیصد ٹوٹ کر 4,106.96 پوائنٹس کی سطح پر، سیٹ کمپوزٹ انڈیکس 0.64 فیصد گر کر 1,398.39 پوائنٹس کی سطح پر اور جکارتہ کمپوزٹ انڈیکس 0.16 فیصد گر کر 7,377.36 پوائنٹس کی سطح پر کاروبار کر رہے ہیں۔

ہندوستھان سماچار

---------------

ہندوستان سماچار / انظر حسن