اسلام آباد، یکم مارچ (ہ س) ایران پر اسرائیل اور امریکہ کے مشترکہ حملے کے بارے میں پاکستان نے اقوام متحدہ کی سلامتی کونسل (یو این ایس سی) میں کہا ہے کہ اس سے علاقائی استحکام کو نقصان پہنچے گا اور اس کے اثرات دیرپا ہوسکتے ہیں۔

سلامتی کونسل میں پاکستان کے مستقل نمائندے، سفیر عاصم افتخار احمد نے 15 رکنی کونسل کو بتایا کہ ہمیں مشرق وسطیٰ کے واقعات پر گہری تشویش ہے۔ پاکستان نے سعودی عرب، بحرین، اردن، کویت، قطر اور متحدہ عرب امارات (یو اے ای) پر ایران کے حملوں کی مذمت کرتے ہوئے کہا کہ وہ ان کے ساتھ یکجہتی میں کھڑا ہے۔

بحث کا آغاز کرتے ہوئے اقوام متحدہ کی سلامتی کونسل (یو این ایس سی) کے سیکرٹری جنرل انتونیو گوٹیرس نے کہا کہ کسی بھی ملک کی خودمختاری کے خلاف طاقت کے استعمال سے گریز کرنا چاہیے۔ انہوں نے ایران کے خلاف امریکہ اور اسرائیل کے بڑے پیمانے پر فوجی حملوں اور بحرین، عراق، اردن، کویت، قطر، سعودی عرب اور متحدہ عرب امارات پر ایران کے جوابی حملوں کی مذمت کی۔ کونسل کا ہنگامی اجلاس ہفتے کی شام فرانس، چین، روس، بحرین اور کولمبیا کی درخواست پر منعقد ہوا۔

---------------

ہندوستان سماچار / عبدالسلام صدیقی