نئی دہلی، 8 فروری (ہ س) وزیر اعظم نریندر مودی نے ہفتہ کو ملائیشیا میں مقیم ہندوستانی باشندوں کے ساتھ بات چیت کی۔ بات چیت کے دوران انہوں نے وزرائ، ارکان پارلیمنٹ، سینیٹرز اور آزاد ہند فوج کے سینئر ارکان سے ملاقات کی۔
وزیر اعظم نے ملائیشیا کے ڈیجیٹل وزیر توان گوبند سنگھ دیو، انسانی وسائل کے وزیر رامانن رام کرشنن، وزیر اعظم کے محکمے کے نائب وزیر توان ایم کولسیگرن اور قومی یکجہتی کے نائب وزیر توان آر یونیشورن کے علاوہ ہندوستانی نژاد دیگر اہم رہنماو¿ں کے ساتھ بات چیت کی۔
وزیر اعظم نے ملائیشیا کی ترقی اور پیشرفت میں ہندوستانی تارکین وطن کے تعاون کی تعریف کی، یہ نوٹ کرتے ہوئے کہ ہندوستانی برادری ہندوستان-ملائیشیا تعلقات کو مضبوط بنانے میں اہم رول ادا کر رہی ہے۔ ہندوستانی ڈائسپورا لیڈروں نے ہندوستان اور ملائیشیا کے درمیان جامع اسٹریٹجک پارٹنرشپ کو مضبوط بنانے میں وزیر اعظم کی قیادت کی ستائش کی اور ہندوستان کی تبدیلی کے لئے ان کے ویژن اور اقدامات کی حمایت کا اظہار کیا۔
اس موقع پر ہندوستانی تارکین وطن رہنماو¿ں نے ملائیشیا میں ہندوستانی کمیونٹی کی فلاح و بہبود کے لیے اٹھائے گئے اقدامات پر وزیر اعظم کا شکریہ ادا کیا۔ ان میں ملائیشیا میں ہندوستان کا پہلا قونصل خانہ کھولنے کا فیصلہ، یونیورسٹی ملایا میں تھروولوور سنٹر کا اعلان، تھروولوور اسکالرشپس کا آغاز، ملائیشیا میں رہنے والے ہندوستانی نژاد لوگوں کے لیے چھٹی نسل تک او سی آئی کارڈ تک رسائی کی توسیع، اور ملائیشیا میں 30 لاکھ رِنگٹ کا فنڈ ملائیشیا کے ہندوستانی طلباءکے لیے 30 لاکھ کی رقم کی بھرپائی شامل ہے۔ وزیر اعظم نے آزاد ہند فوج کی بوائز آرمی کے ایک سینئر رکن جے راج راجا راو¿ اور نیتا جی ویلفیئر فاو¿نڈیشن کے صدر راٹھا کرشنن سے بھی ملاقات کی۔ انہوں نے آئی این اے اور اس کے بہادر جنگجوو¿ں کی بے مثال ہمت اور قربانی کے لیے گہرے احترام کا اظہار کیا اور نیتا جی سبھاش چندر بوس کے مضبوط اور جدید ہندوستان کے خواب کو پورا کرنے کے لیے حکومت کے عزم کا اعادہ کیا۔
---------------
ہندوستان سماچار / عبدالسلام صدیقی
