نئی دہلی، 03 فروری (ہ س): میزبان شیام لال کالج (مارننگ) نے ایمٹی یونیورسٹی کو منگل کو 0-7 سے شکست دے کر 12ویں پدم شری شیام لال میموریل ہاکی ٹورنامنٹ کے مردوں کے زمرے میں اپنی مسلسل دوسری جیت درج کی۔

فاتح ٹیم کی جانب سے پرتیوش سنگھ جگی اور ہرش شرما نے دو دو گول کئے۔ نند کشور، بھوپیندرا اور روہت نے ایک ایک گول کیا۔ پرتیوش سنگھ جگی کو پلیئر آف دی میچ کا ایوارڈ ملا۔

دیگر میچوں میں شری رام کالج آف کامرس نے ایس ایل سی کے سابق طلباءکو قریبی مقابلے میں 3-4 سے شکست دی۔ فاتح ٹیم کے ریتک کو پلیئر آف دی میچ کا ایوارڈ ملا۔ شری رام کالج آف کامرس کے لیے کرن پال، نکول، سمیت اور ریتک نے ایک ایک گول کیا۔ ایس ایل سی ایلومنائی کی طرف سے ششی کانت نے دو اور ڈی ایس جگی نے ایک گول کیا۔

اندرا گاندھی انسٹی ٹیوٹ آف فزیکل ایجوکیشن اینڈ اسپورٹس سائنس نے شیام لال بی ٹیم کو 2-3 سے شکست دی۔ فاتح ٹیم کے ہرش یادیو نے دو گول کئے اور انہیں میچ کا بہترین کھلاڑی قرار دیا گیا۔ گرومکھ نے ایک گول کیا۔ شیام لال بی ٹیم کے لیے اتل اور آدتیہ نے ایک ایک گول کیا۔

کیروڑی مل کالج نے ایمٹی کو 1-2 سے شکست دی۔ پلیئر آف دی میچ کا ایوارڈ حاصل کرنے والے چراغ نے فاتح ٹیم کے لیے دونوں گول اسکور کیے۔

---------------

ہندوستان سماچار / عبدالسلام صدیقی