نئی دہلی، 24 فروری (ہ س)۔جیو اورایئرٹیل دارالحکومت دہلی میں انٹرنیٹ کی رفتار کے لحاظ سے چارٹ میں سب سے آگے ہیں۔آئیڈیا وڈافون کالنگ کی رفتار کے لحاظ سے پہلے نمبر پر ہے۔جنوری میں دہلی میں موبائل نیٹ ورک کے معیار سے متعلق ڈرائیو ٹیسٹ اور واک ٹیسٹ کی بنیاد پر تیار کردہ ایک رپورٹ میں، ٹیلی کام ریگولیٹری اتھارٹی آف انڈیا (ٹرائی) نے کہا کہ ایئرٹیل اور ووڈافون-آئیڈیا نے کال کی کامیابی کی شرح میں 100 فیصد کارکردگی کا مظاہرہ کیا، جب کہ جیو 99.22 فیصد اور ایم ٹی این ایل 82.82 فیصد رہا۔ کال ڈراپ کی شرح میں، ایئرٹیل 0.39 فیصد، جیو 0.53 فیصد اور ووڈافون-آئیڈیا صفر فیصد پر تھا، جبکہ ایم ٹی این ایل کا اعداد و شمار 6.34 فیصد ریکارڈ کیا گیا تھا۔ جیو آواز کے معیار میں بہترین تھا۔یہ جانچ شاہدرہ، دلشاد گارڈن، گاندھی نگر، آنند وہار، میور وہار اور دہلی کے پرہجوم بازاروں اور میٹرو اسٹیشنوں میں کی گئی۔ٹرائی نے کہا کہ ٹیسٹ کے دوران جیو کی ڈاو¿ن لوڈ کی اوسط رفتار 266.99 ایم بی پی ایس اور ایئرٹیل کی 231.97 ایم بی پی ایس تھی۔ ووڈافون آئیڈیا کی رفتار 24.55 ایم بی پی ایس اور ایم ٹی این ایل کی رفتار 3.83 ایم بی پی ایس تھی۔ ایئرٹیل کی اپ لوڈ کی رفتار 31.39 ایم بی پی ایس تھی اور جیوکی 23.93 ایم بی پی ایس تھی۔مصروف اور گنجان علاقوں میں جیو نے 5جی ڈاون لوڈ کی رفتار کے لحاظ سے بہترین کارکردگی کا مظاہرہ کیا۔ جیو کی رفتار 361.84 ایم بی پی ایس تھی، جبکہ ایئرٹیل کی 214.10 ایم بی پی ایس تھی، اوروڈافون-آئیڈیا کی 44.13 ایم بی پی ایس تھی۔ایم ٹی این ایل کی 4جی اور 5جی خدمات دستیاب نہیں تھیں۔

ہندوستھان سماچار

ہندوستان سماچار / Mohammad Khan