نئی دہلی، 24 فروری (ہ س): چیف الیکشن کمشنر (سی ای سی) گیانیش کمار نے منگل کو قومی گول میز کانفرنس کا افتتاح کیا، جس میں الیکشن کمیشن (ای سی آئی) اور ریاستی الیکشن کمشنروں کو 27 سال بعد اکٹھا کیا گیا۔

گیانیش کمار نے یہاں بھارت منڈپم میں منعقد ایک پروگرام میں کہا کہ قومی مفاد اور آئینی تال میل کو ذہن میں رکھتے ہوئے الیکشن کمیشن اور ریاستی الیکشن کمیشن کو مل کر کام کرنا چاہیے اور ہر فیصلے میں ووٹر کو مرکز میں رکھنا چاہیے۔

الیکشن کمشنر ڈاکٹر ایس ایس سندھو اور ڈاکٹر وویک جوشی نے بھی شرکاء سے خطاب کیا اور غور و خوض کا خاکہ پیش کیا۔ کمیشن نے جمہوریت کا سنگم کے عنوان سے ایک کتاب بھی جاری کی۔

قابل ذکر ہے کہ کانفرنس میں ای وی ایم، ای سی آئی این ای ٹی اور ووٹر لسٹ شیئرنگ پر پریزنٹیشنز پیش کیے جائیں گے۔ مختلف ریاستوں اور مرکز کے زیر انتظام علاقوں کے انتخابی عہدیدار ووٹر لسٹ کے انتظام کو ہموار کرنے اور ادارہ جاتی تال میل کو بڑھانے پر تبادلہ خیال کریں گے۔

ان مباحثوں کا مرکز ایک واحد انتخابی فہرست کا تصور ہے جس کا مقصد مختلف آئینی احکامات کے تحت چلنے والے دائرہ اختیار میں ووٹر ڈیٹا کی یکسانیت کو یقینی بنانا ہے۔

---------------

ہندوستان سماچار / عبدالسلام صدیقی