طویل عرصے سے جاری قیاس آرائیاں اور شائقین کی توقعات بالآخر ختم ہوگئیں۔ جنوبی ہندوستانی سنیما کے مشہور اداکار وجے دیور کونڈا اور رشمیکا مندانا نے اپنی شادی کا باضابطہ اعلان کر دیا ہے۔ سوشل میڈیا پر شیئر کیے گئے ایک جذباتی نوٹ میں جوڑے نے مداحوں کے ساتھ خوشی کی خبر شیئر کرتے ہوئے اپنے تعلقات کو عام کیا۔

اس جوڑے نے اپنی شادی کو ایک خاص نام بھی دیا ہے: ”دی ویڈنگ آف ویروش“۔ دراصل، ویروش کا نام ان کے مداحوں نے وجے اور رشمیکا کے ناموں کو ملا کر رکھا تھا۔ اس نام کو اپنا کر دونوں ستاروں نے اپنے مداحوں کو ایک انوکھا تحفہ دیا ہے اور اس خاص موقع کو مکمل طور پر ان کے لیے وقف کر دیا ہے۔

اپنے مشترکہ پیغام میں وجے اور رشمیکا نے لکھا، ہمارے عزیزوں، اس سے پہلے کہ ہم کچھ بھی فیصلہ کر لیں، آپ ہمیشہ ہمارے لیے موجود تھے۔ آپ نے ہمیں بہت پیار اور ایک نام 'ویروس' دیا۔ اس لیے آج ہم آپ کے اعزاز میں اپنی جوڑی کا نام 'ویروس کی شادی' رکھ رہے ہیں۔ آپ سب کی محبتوں کا شکریہ، آپ ہمیشہ ہمارا حصہ رہیں گے۔ ڈھیروں پیار اور محبتیں۔

ذرائع کے مطابق یہ جوڑا 26 فروری کو شادی کے بندھن میں بندھ جائے گا۔ برسوں سے ان کے تعلقات کے بارے میں افواہیں گردش کر رہی ہیں۔ تاہم اب تک دونوں ایک دوسرے کو صرف اچھے دوست قرار دیتے رہے ہیں لیکن اب اس سرکاری اعلان کے ساتھ ہی تمام قیاس آرائیوں کا خاتمہ ہو گیا ہے۔

ہندستھان سماچار

ہندوستان سماچار / عطاءاللہ