پٹنہ، 08 نومبر(ہ س)۔ بہار کے وزیر اعلیٰ سمراٹ چودھری نے کہا ہے کہ 125 یونٹ مفت بجلی کی سہولت حاصل کرنے والے صارفین اپنی مرضی سے اس فائدے کو چھوڑ سکتے ہیں۔ اس کے لیے ریاستی حکومت یکم دسمبر سے خصوصی مہم شروع کرنے جارہی ہے۔وزیر اعلیٰ نے واضح کیا کہ جو صارفین 125 یونٹ مفت بجلی کا فائدہ نہیں لینا چاہتے، وہ رضاکارانہ طور پر اس سہولت سے دستبردار ہوسکتے ہیں۔ حالانکہ انہوں نے اس سلسلے میں درخواست دینے یا سہولت چھوڑنے کے طریقہ کار کی تفصیلات نہیں بتائیں۔

دیوالی کے موقع پر سمراٹ چودھری نے افسران اور عوامی نمائندوں سے اپیل کی کہ وہ اپنے اپنے علاقوں کی دلت، مہادلت، پسماندہ اور انتہائی پسماندہ بستیوں میں جاکر وہاں کے لوگوں کے ساتھ دیوالی منائیں۔انہوں نے کہا کہ وزیر اعظم نریندر مودی کی قیادت میں ملک مسلسل ترقی کی راہ پر گامزن ہے۔ بہار میں سابق وزیر اعلیٰ نتیش کمار نے ترقی کی جو بنیاد رکھی تھی، موجودہ حکومت اسی راستے پر آگے بڑھ رہی ہے۔

وزیر اعلیٰ نے وزیر اعظم کے بستر دورے کا ذکر کرتے ہوئے کہا کہ نریندر مودی وہاں فوجی جوانوں کے ساتھ دیوالی منا رہے ہیں۔ کبھی نکسل متاثرہ رہنے والا بستر اب نکسلزم سے نجات کی سمت میں بڑی کامیابی کی علامت بن رہا ہے۔آخر میں سمراٹ چودھری نے بہار سمیت پورے ملک کے عوام کو دیوالی کی مبارک باد دیتے ہوئے ریاست کی مزید ترقی کی نیک خواہشات ظاہر کیں۔

ہندوستھان سماچار

ہندوستھان سماچار / Mohammad Afzal Hassan