نئی دہلی، 7 نومبر (ہ س)۔ وزیر اعظم نریندر مودی اس بار بھی دیوالی ملک کے بہادر فوجی جوانوں کے درمیان منائیں گے۔ انہوں نے ہفتہ کو دیوالی کی شام اہل وطن کو مبارکباد پیش کرتے ہوئے کہا کہ ہر سال ان کی کوشش رہتی ہے کہ وہ ملک کے بہادر جوانوں کے درمیان پہنچ کر دیوالی منائیں اور اس بار بھی یہ روایت برقرار رہے گی۔

مودی نے سوشل میڈیا پر شیئر کیے گئے ایک ویڈیو پیغام میں کہا، ’’دیوالی کے مقدس تہوار پر پورا ملک روشنیوں سے جگمگا رہا ہے۔ روشنی کا یہ تہوار اندھیرے کے خلاف ہمارے عزم کی علامت ہے۔ آپ سب کو دیوالی کی دلی مبارکباد۔ یہ تہوار اور آنے والا وقت آپ سب کے لیے خوشی، امن اور خوشحالی سے بھرپور ہو۔‘‘

وزیر اعظم نے مزید کہا، ’’میں بھی آپ سب کی طرح بڑے جوش و خروش سے دیوالی مناتا ہوں۔ آپ جانتے ہیں کہ ہر سال ملک کے بہادر فوجی جوانوں کے درمیان جانا میرا معمول رہا ہے۔ اس بار بھی یہ سلسلہ جاری رہے گا۔‘‘

ہندوستھان سماچار

ہندوستھان سماچار / Mohammad Khan