
کاٹھمنڈو، 4 نومبر (ہ س)۔ نیپال کے دورے پر آئے ہندوستان کے سکریٹری خارجہ وکرم مسری نے آج یہاں نیپال کے وزیر خارجہ ششیر کھنال سے خیرسگالی ملاقات کی۔
بدھ کے روز وزارت خارجہ میں مسری اور کھنال کے درمیان ہونے والی اس ملاقات میں نیپال اور ہندوستان کے درمیان کثیر جہتی شراکت داری کو مزید گہرا کرنے اور دونوں ممالک کے تاریخی دوستانہ تعلقات کو مزید مضبوط بنانے کے امور پر تبادلہ خیال کیا گیا۔
نیپال کے دو روزہ دورے کے دوران مسری بدھ کے روز ہی کاٹھمنڈو پہنچے تھے۔ نیپال کے سکریٹری خارجہ امرت بہادر رائے کی دعوت پر کاٹھمنڈو پہنچے مسری کی بدھ کے روز ہی اپنے ہم منصب رائے کے ساتھ دو طرفہ باضابطہ مذاکرات کرنے کا بھی پروگرام ہے۔
نومبر کے تیسرے ہفتے میں ہونے والے نیپال کے وزیر اعظم بالیندر شاہ کے دورۂ ہند کی تیاریوں کے سلسلے میں مسری نیپال پہنچے ہیں۔ وزارت خارجہ کے مطابق، مسری کی جمعرات کو دہلی واپسی کا پروگرام ہے۔
ہندوستھان سماچار
---------------
ہندوستھان سماچار / عبدالسلام صدیقی