۔ ایس ڈی آر ایف اور نیم کی مشترکہ ٹیم کو ملی کامیابی، بدھ کو دوبارہ تلاش کی مہم چلائی جائے گی

اترکاشی، 3 نومبر (ہ س)۔ اتراکھنڈ کے اترکاشی میں کیدار تال ٹریک پر شدید برف باری اور برفانی تودے کی زد میں آکر لاپتہ ہونے والے آٹھ افراد کی تلاش میں مصروف ریسکیو ٹیم کو منگل کو دو لاشیں برآمد کرنے میں کامیابی ملی۔ اسٹیٹ ڈیزاسٹر ریسپانس فورس (ایس ڈی آر ایف) اور نہرو انسٹی ٹیوٹ آف ماو¿نٹینیئرنگ (نیم) کی مشترکہ ٹیم نے برف میں دبی ایک خاتون اور ایک مرد کی لاشیں نکالی ہیں۔ تاہم، ابھی دونوں کی شناخت نہیں ہو سکی ہے۔ باقی چھ لاپتہ افراد کی تلاش جاری ہے۔

منگل کو ایس ڈی آر ایف اور نیم کی مشترکہ ٹیم نے ممکنہ مقام پر دوبارہ تلاش کی مہم شروع کی۔ اس دوران ٹیم کو برف میں دبی دو لاشیں نظر آئیں۔ کافی مشقت کے بعد دونوں لاشوں کو باہر نکالا گیا۔ ٹیم نے دوپہر تقریباً تین بجے تک مہم جاری رکھی، جس کے بعد وہ بیس کیمپ واپس لوٹ گئی۔ اب بدھ کو دوبارہ تلاش کی مہم چلائی جائے گی۔

ریسکیو آپریشن میں تیزی لانے اور ضرورت پڑنے پر فضائی مدد فراہم کرنے کے لیے جائے حادثہ کے قریب تقریباً 4,005 میٹر کی بلندی پر ایک متبادل ہیلی پیڈ بھی تیار کیا گیا ہے۔

لاپتہ افراد میں سات ٹریکر اور ایک گائیڈ شامل

لاپتہ افراد کی فہرست میں مغربی بنگال کے تپس باوری، رتن گھوش، منوج کھواس، رنٹو ماڈل اور ادے گھوش کے علاوہ اتر پردیش کی ورتیکا ورما اور دیپیکا ورما شامل ہیں۔ آٹھویں لاپتہ شخص سدھارتھ رانا کے بارے میں بتایا گیا ہے کہ وہ اترکاشی کے رہنے والے ہیں۔

قابل ذکر ہے کہ 27 اکتوبر کو گنگوتری سے سات ٹریکرز اور پانچ معاون کارکنوں سمیت 12 افراد پر مشتمل ایک ٹیم کیدار تال ٹریک کے لیے روانہ ہوئی تھی۔ ان میں سے تین پورٹرز اور ایک باورچی سمیت چار افراد کو بحفاظت بچا لیا گیا تھا، جبکہ سات ٹریکرز اور ایک گائیڈ سمیت آٹھ افراد لاپتہ ہو گئے تھے۔ شدید برف باری اور برفانی تودہ گرنے کے باعث یہ لوگ اس کی زد میں آگئے تھے۔

ہندوستھان سماچار

ہندوستھان سماچار / محمد شہزاد