کٹھمنڈو، 2 نومبر (ہ س): ہندوستانی فوج میں گورکھا بھرتی دوبارہ شروع کرنے کے مطالبے کو لے کر پیر کے روز انڈین ایکس سروس مین ویلفیئر ایسوسی ایشن نے کٹھمنڈو میں اور آل نیپال انڈین ایکس سروس مین ویلفیئر ایسوسی ایشن نے کٹھمنڈو کے مائتی گھر میں مظاہرہ کیا۔
ہندوستانی حکومت کی جانب سے اگنی پتھ اسکیم نافذ کیے جانے کے بعد سے گورکھا بھرتی بند ہے۔ اس سے قبل 12 اگست کو پوکھرا میں سابق گورکھا فوجیوں اور نوجوانوں نے بھرتی دوبارہ شروع کرنے کے مطالبے کو لے کر مظاہرہ کیا تھا۔ اسی طرح، 19 اگست کو ہندوستانی بری فوج کے سربراہ جنرل دھیرج سیٹھ کے دورۂ نیپال کے دوران بھی سابق گورکھا فوجیوں نے بھرتی دوبارہ شروع کرنے کے لیے پہل کرنے کی اپیل کی تھی۔ تاہم، ہندوستانی فوجی سربراہ کے دورۂ نیپال کے دوران بھی بھرتی دوبارہ شروع کرنے کے معاملے پر کوئی ٹھوس اتفاق رائے نہیں ہو سکا۔
مظاہرے میں شامل لوگوں نے بے روزگار نیپالی نوجوانوں کے لیے قابل اعتماد روزگار کا انتظام کرنے کا مطالبہ بھی کیا۔ مظاہرین نے سکریٹری سطح کے فیصلے کو مسترد کرتے ہوئے سابق گورکھا فوجیوں کی تنظیم یا ادارے کے رجسٹریشن کی تجدید کا انتظام کرنے کا مطالبہ بھی کیا۔
ہندوستھان سماچار
---------------
ہندوستھان سماچار / عبدالواحد
