
نئی دہلی، 17 نومبر (ہ س)۔ وزیر اعظم نریندر مودی کے 16 اور 17 نومبر کے فلپائن دورے کے دوران ہندوستان-آسیان سمندری تعاون، سائبر سکیورٹی، جوہری توانائی، خلائی شعبے، اہم معدنیات اور نوجوانوں کے تبادلے سمیت کئی شعبوں میں تعاون بڑھانے کے اقدامات کا اعلان کیا گیا۔ آسیان ممالک کے سیاحوں کو مفت ای ویزا اور نالندہ یونیورسٹی میں طلبہ کے لیے مزید وظائف دینے کا بھی فیصلہ کیا گیا۔
وزیر اعظم کے دفتر کے مطابق، 23ویں ہندوستان-آسیان سربراہی اجلاس میں طویل مدتی سمندری تعاون منصوبے کا اعلان کیا گیا۔ اس کے تحت سائنسی تحقیق، آفات سے نمٹنے، کوسٹ گارڈز کے درمیان تعاون اور سمندری سلامتی کے شعبوں میں مل کر کام کیا جائے گا۔
اس کے علاوہ مشترکہ سائبر فارنسک تربیتی پروگرام، ہندوستان-آسیان خلائی ہیکاتھون اور جوہری توانائی کے شعبے میں تکنیکی تبادلے کی پہل کی گئی ہے۔
نوجوانوں کے رابطے کو مضبوط بنانے کے لیے یوتھ سمٹ، نوجوان اراکین پارلیمنٹ کے تبادلے اور اسٹارٹ اپ ہیکاتھون منعقد کیے جائیں گے۔
21ویں مشرقی ایشیا سربراہی اجلاس میں بھی کئی اقدامات کا اعلان کیا گیا۔ ان میں ملاحوں کی حفاظت کے لیے خصوصی پہل، سائبر جرائم سے نمٹنے کے لیے کانفرنس اور گجرات کے لوتھل میں سمندری ورثے کا میلہ شامل ہیں۔
دورے کے دوران تین اہم مشترکہ دستاویزات بھی جاری کی گئیں، جن میں آفات سے نمٹنے، آن لائن دھوکہ دہی اور جرائم کے خلاف تعاون اور پائیدار مستقبل سے متعلق اعلانات شامل ہیں۔
ہندوستھان سماچار
--------------
ہندوستھان سماچار / عبدالواحد