حیدرآباد، 13 نومبر (ہ س)۔آندھرا پردیش حکومت نے مختلف شعبوں میں سرمایہ کاری کو فروغ دینے کے لیے 11 مفاہمتی یادداشتوں(ایم او یوز) پر دستخط کیے ہیں، جن کے تحت مجموعی طور پر 1,40,705 کروڑ روپے کی سرمایہ کاری متوقع ہے۔ ان منصوبوں سے 10,472 روزگار کے مواقع پیدا ہونے کا امکان ہے۔حکومت نے ہنڈالکو کی توسیع کے لیے جی او جاری کیا ہے، جس کے تحت 880 کروڑ روپے کی سرمایہ کاری اور 447 ملازمتیں متوقع ہیں۔ جے ایس ڈبلیو اسٹیلز نے مینوفیکچرنگ شعبے میں 15,000 کروڑ روپے کی سرمایہ کاری کی تجویز پیش کی ہے، جس سے 2,500 افراد کو روزگار مل سکتا ہے۔خلائی شعبے میں اگنیکُل کاسموس نے 510 کروڑ اور ہتھور راکیٹس نے 250 کروڑ روپے کی سرمایہ کاری کی تجویز دی ہے۔ حکومت نے تروپتی کے قریب خلائی صنعتوں کے لیے 5,000 ایکڑ اراضی مختص کی ہے۔انڈین آئل کارپوریشن (آئی او سی ایل) نے 6,600 کروڑ اور گرین زون رینیوایبل انرجی نے 8,000 کروڑ روپے کی سرمایہ کاری کی تجویز پیش کی ہے۔ کاکیناڈا سی پورٹس لمیٹڈ نے 6,452 کروڑ روپے کا معاہدہ کیا ہے، جس سے 852 ملازمتیں پیدا ہونے کی ترہیتعلیم اور سماجی بہبود کے شعبے میں ہیرو موٹو کارپ نے P4 پہل کے تحت آئی آئی ٹی طلبہ کو اسکالرشپس فراہم کرنے کے لیے 32.8 کروڑ روپے دینے کا وعدہ کیا ہے۔ آئی ٹی سی نے حکومت کے ساتھ مل کر 100 دیہات کی ترقی میں تعاون کا معاہدہ کیا ہے، جن میں 15 ماڈل دیہات بھی شامل ہیں(خاندانوں) کی مدد کی جاچکاہے۔وزیر اعلی چندرابابو نائیڈو نے صنعتوں پر زور دیا کہ وہ صرف معاہدوں تک محدود نہ رہیں بلکہ منصوبوں پر بروقت عمل درآمد کو یقینی بنائیں۔ انہوں نے آئی آئی ٹیز کو آندھرا پردیش کو تحقیق اور ترقی کے مرکز کے طور پر استعمال کرنے کی دعوت بھی دی۔ہندوستھان سماچار

ہندوستھان سماچار / محمدعبدالخالق