-ٹریولر میں سوار تھے 35 مسافر، بیشتر کے طالب علم ہونے کی اطلاع

- کئی مسافروں کے گاڑی میں پھنسے ہونے کا خدشہ، راحت اور بچاؤ کی کارروائی جاری

گولاگھاٹ، 13 نومبر (ہ س)۔ آسام کے کازیرنگا میں جمعہ کو پیش آئے سڑک حادثے میں 10 سے زائد افراد کی موت کا خدشہ ظاہر کیا جا رہا ہے۔ یہ حادثہ اس وقت پیش آیا جب رنگاجان کے قریب ایک مسافر ٹریولر اور کنٹینر ٹرک کے درمیان آمنے سامنے کی زوردار ٹکر ہوگئی۔ حادثے کے بعد جائے وقوع پر افراتفری مچ گئی۔ حادثے کا شکار ہونے والی ٹریولر میں کئی مسافروں کے پھنسے ہونے کا خدشہ ہے۔

ابتدائی اطلاعات کے مطابق، ٹریولر (اے ایس-02اے سی-6690) بوکاکھاٹ سے نگاؤں کی جانب جا رہی تھی۔ اسی دوران اس کی کنٹینر ٹرک (کے اے-01اے ٹی-0977) سے ٹکر ہوگئی۔ بتایا گیا ہے کہ ٹریولر میں مجموعی طور پر 35 مسافر سوار تھے، جن میں بیشتر طالب علم تھے۔

ٹکر اتنی شدید تھی کہ ٹریولر بری طرح تباہ ہوگئی۔ گاڑی میں کئی مسافروں کے پھنسے ہونے کے خدشے کے پیش نظر مقامی لوگوں اور پولیس اہلکاروں نے فوری طور پر راحت اور بچاؤ کی کارروائی شروع کردی۔ جائے حادثہ پر امدادی کارروائیاں جاری ہیں۔

حادثے میں زخمی ہونے والے مسافروں کو علاج کے لیے کوہورا ماڈل اسپتال میں داخل کرایا گیا ہے۔ ہلاک ہونے والوں کی تعداد میں اضافے کا خدشہ ظاہر کیا جا رہا ہے۔ تاہم، ہلاک اور زخمی ہونے والوں کی اصل تعداد کی باضابطہ تصدیق ابھی نہیں ہوئی ہے۔

پولیس حادثے کی وجوہات کا پتہ لگانے میں مصروف ہے۔ جائے وقوع پر راحت اور بچاؤ کی کارروائیاں جاری ہیں۔ حادثے کے بارے میں مزید تفصیلات کا انتظار ہے۔

ہندوستھان سماچار

---------------

ہندوستھان سماچار / انظر حسن