لکھنؤ، 12 نومبر (ہ س)۔ آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی اور آزاد سماج پارٹی کے صدر اور ایم پی چندر شیکھر آزاد نے آئندہ اتر پردیش اسمبلی انتخابات کے لیے اتحاد کیا ہے۔ انہوں نے اس اتحاد کو سماجک پریورتن مورچہ کا نام دیا ہے۔ اس محاذ کے تحت اتر پردیش میں آئندہ 2027 کے اسمبلی انتخابات میں تمام 403 نشستوں پر مقابلہ کریں گے اور چندر شیکھر وزیر اعلی کا چہرہ ہوں گے۔

نئے انتخابی اتحاد کا اعلان جمعرات کو ریاست کے دارالحکومت لکھنؤ میں دونوں جماعتوں کے رہنماؤں نے ایک مشترکہ پریس کانفرنس میں کیا۔ دونوں رہنماؤں اے آئی ایم آئی ایم کے سربراہ اویسی اور چندر شیکھر نے بتایا کہ یہ نیا محاذ اتر پردیش کی تمام 403 نشستوں پر مقابلہ کرے گا اور اس اتحاد کا بنیادی مقصد دلت اور مسلم ووٹوں کو ایک پلیٹ فارم پر لانے کے ساتھ ساتھ نوجوانوں، کسانوں اور کمزور طبقوں کے حقوق کے لیے آواز اٹھانا ہے۔

اس موقع پر آزاد سماج پارٹی کے سربراہ چندر شیکھر نے ریاستی حکومت کو تنقید کا نشانہ بناتے ہوئے کہا کہ یہاں امن و امان کی صورتحال اچھی نہیں ہے۔ دلتوں اور کمزور طبقوں پر ظلم کیا جا رہا ہے۔ انہوں نے انکاونٹر پر بھی سوال اٹھاتے ہوئے کہا کہ اس کی تحقیقات ہونی چاہیے۔ انہوں نے کہا کہ ان کی کوشش محنت کمزور اور اقلیتی برادری کی حفاظت اور وقار کو برقرار رکھنا ہے۔

اتر پردیش کے ناگینا سے رکن پارلیمنٹ چندر شیکھر نے کہا، اگر ایس پی اور کانگریس بھی بی جے پی کو شکست دینا چاہتے ہیں تو ہم ان کے ساتھ ہیں۔ ہم ان کے ساتھ ملک کر لڑیں گے۔ انہوں نے 26 نومبر کو رامابائی آمبیڈکر میدان لکھنؤ میں ایک ریلی نکالنے کا اعلان کیا ہے۔ انہوں نے یہ بھی کہا کہ اتحاد ریاست کی تمام 403 نشستوں پر مقابلہ کرے گا۔ اس موقع پر اے آئی ایم آئی ایم کے سربراہ اویسی نے ایک سوال کے جواب میں کہا کہ چندر شیکھر محاذ کی جانب سے وزیر اعلی کا چہرہ ہوں گے۔

ہندوستھان سماچار

ہندوستھان سماچار / محمد شہزاد