تہران، 08 نومبر (ہ س)۔

ایران کے پاسداران انقلاب (آئی آر جی سی) کی ایرو اسپیس فورس نے ایک نئی زیر زمین ’میزائل سٹی‘ دنیا کے سامنے پیش کی ہے۔ ایرانی میڈیا کے مطابق، اس زیر زمین ٹھکانے میں بیلسٹک اور کروز میزائلوں کے ساتھ ان کے لانچنگ سسٹم بھی رکھے گئے ہیں۔

خبر رساں ایجنسی تسنیم کی رپورٹ کے مطابق، اس مرکز کی نقاب کشائی کے موقع پر ایرانی مسلح افواج کے چیف آف اسٹاف میجر جنرل علی عبداللہی اور آئی آر جی سی کی ایرو اسپیس فورس کے کمانڈر بریگیڈیئر جنرل ماجد موسوی موجود تھے۔ تاہم، رپورٹ میں اس زیر زمین ٹھکانے کے مقام اور وہاں موجود میزائلوں کی تعداد ظاہر نہیں کی گئی ہے۔

آئی آر جی سی کے ترجمان بریگیڈیئر جنرل حسین محبی نے حال ہی میں کہا تھا کہ میزائلوں اور ڈرون کی تیاری سے متعلق تمام سہولتوں کو زیر زمین منتقل کیا جائے گا۔

ایرانی میڈیا کی رپورٹ میں نئی ’میزائل سٹی‘ کی صلاحیت، اس کی تعمیر اور آپریشن سے متعلق تفصیلی معلومات فراہم نہیں کی گئی ہیں۔

ہندوستھان سماچار

ہندوستھان سماچار / عطاءاللہ