نوئیڈا، 8 اکتوبر (ہ س)۔ ایک 72 سالہ شخص نے اتر پردیش کے نوئیڈا میں پولیس اسٹیشن سائبر کرائم میں ایک رپورٹ درج کرائی ہے، جس میں الزام لگایا گیا ہے کہ نامعلوم سائبر مجرموں نے انہیں اپنے جال میں پھنسا کر اور اسٹاک مارکیٹ میں سرمایہ کاری کرکے بھاری منافع کمانے کا لالچ دیکر 27.54 لاکھ روپے کی دھوکہ دہی کی ہے۔ پولیس نے مقدمہ درج کر لیا ہے اور واقعے کی تحقیقات کر رہی ہے۔

ڈپٹی کمشنر آف پولیس، سائبر کرائم، مسز شیویا گوئل نے بتایا کہ کل رات سیکٹر 29 کے رہائشی رام نارائن سنگھ تیاگی کے بیٹے رجنیش تیاگی نے پولیس اسٹیشن سائبر کرائم میں رپورٹ درج کرائی ہے کہ سائبر مجرموں نے اس سے رابطہ کیا اور کہا کہ اگر وہ اسٹاک مارکیٹ میں سرمایہ کاری کریں گےتو انہیں بہت منافع ملے گا۔ متاثرہ کے مطابق ملزم نے انہیں ان کے موبائل فون پر ایک ایپ ڈاؤن لوڈ کروائی۔ ایک اکاؤنٹ کھولا اور انہیں مختلف اوقات میں کل 27 لاکھ 54 ہزار روپے کی سرمایہ کاری کرنے پر مجبور کیا۔ انہیں ایپ پر اپنے پیسے میں نمایاں اضافہ دیکھنے کو ملا لیکن جب انہوں نے اپنے پیسے نکالنے کی کوشش کی تو ملزم نے انہیں ٹیکس کے طور پر مزید رقم جمع کرنے کو کہا۔ پولیس افسر نے بتایا کہ متاثرہ شخص کو تب احساس ہوا کہ انہیں دھوکہ دیا گیا ہے۔ پولیس نے بتایا کہ ان کی شکایت کی بنیاد پر مقدمہ درج کر لیا گیا ہے اور معاملے کی تحقیقات کی جا رہی ہیں۔

ہندوستھان سماچار

--------

ہندوستان سماچار / عبدالسلام صدیقی