نالندہ، بہار شریف، 3 اکتوبر (ہ س)۔ پی این بی میٹ لائف انشورنس کا عملہ بن کر لوگوں سے انشورنس کی تجدید کے نام پر چیک لینے اور اس میں ہیرا پھیری کر کے ٹھگی کرنے والا ایک نوجوان کو چنڈی تھانہ پولیس نے ہفتہ کے روز گرفتارکیا ہے۔ ملزم کی شناخت اتر پردیش کے سیتا پور ضلع کے رام کوٹ تھانہ علاقہ کے علی پور گاؤ ں رہائشی رام سنگھ یادو کا بیٹا اوپیندر کمار کے طور پر ہوئی ہے۔

چنڈی تھانہ انچارج نے بتایا کہ ملزم پی این بی میٹ لائف کا عملہ بتا کر لوگوں سے رابطہ کر تا تھا اور ان سے انشورنس کی تجدید کے نام پر چیک حاصل کر تا تھا ۔ اس کے بعد وہ چیک میں ردوبدل کر کے رقم نکالنے کی کوشش کرتا تھا ۔ معاملے کا پر انکشاف بینک کے ایک صارف کی چوکسی کی وجہ سے ہوا۔ چیک پر شک ہونے پر صارف فراڈ کا شکوہ کرتے ہوئے بینک برانچ گئے ۔ تحقیقات کے دوران دھوکہ دہی کا پتہ چلا، اور بینک نے پولیس کو اطلاع دی۔ اطلاع ملنے پر چنڈی تھانہپولیس نے موقع پر پہنچ کر ملزم کو گرفتار کر لیا۔

تلاشی کے دوران پولیس نے ملزم سے 48 چیک، چار آدھار کارڈ، مختلف ناموں کے سم کارڈ، ایک فرضی پی این بی میٹ لائف شناختی کارڈ اور دو موبائل فون برآمد کئے۔پولیس کے مطابق ملزم نے صارفین سے فرضیچیک لے کر فراڈ کرنے کی کوشش کی۔ تھانہ انچارج اکھلیش کمار نے بتایا کہ گرفتار ملزم کے خلاف ضروری قانونی کارروائی کی جارہی ہے۔ پولیس اس بات کی بھی تفتیش کر رہی ہے کہ ملزم نے اب تک کتنے لوگوں کو نشانہ بنایا ہے اور کیا اس فراڈ میں کوئی اور افراد ملوث ہیں یا نہیں۔

ہندوستھان سماچار

ہندوستان سماچار / Mohammad Afzal Hassan