تل ابیب، 3 اکتوبر (ہ س):۔

غزہ سٹی میں اسرائیلی فوج کی جانب سے کیے گئے دو الگ الگ حملوں میں فلسطینی اسلامک جہاد کے دو کمانڈروں کے مارے جانے کا دعویٰ کیا گیا ہے۔ اسرائیلی فوج (آئی ڈی ایف) نے ہفتہ کو بتایا کہ دونوں حملے جمعہ کو کیے گئے تھے۔

آئی ڈی ایف کے مطابق، ایک حملے میں احمد محمود حرب رملوی مارا گیا، جو اسلامک جہاد کی شجاعیہ بٹالین کی راکٹ یونٹ کا کمانڈر تھا۔ دوسرے حملے میں تنظیم کے اینٹی ٹینک دستے کے کمانڈر منیر ابراہیم مصری کے مارے جانے کی بات کہی گئی ہے۔

اسرائیلی فوج کا الزام ہے کہ دونوں کمانڈر اسرائیلی فوجیوں اور اسرائیلی شہریوں کے خلاف حملوں کی تیاری میں مصروف تھے اور اسلامک جہاد کی فوجی صلاحیتوں کو دوبارہ مضبوط کرنے کی کوشش کر رہے تھے۔ آئی ڈی ایف نے ان سرگرمیوں کو جنگ بندی معاہدے کی منظم خلاف ورزی قرار دیا ہے۔

ہندوستھان سماچار

ہندوستان سماچار / عطاءاللہ