شملہ، 3 اکتوبر (ہ س): ہماچل پردیش سے جنوب مغربی مانسون رخصت ہوگیا ہے۔ محکمہ موسمیات کے مطابق ہفتہ کو پورے ہماچل پردیش سے مانسون کی واپسی ہوگئی، جبکہ اس کی معمول کی واپسی کی تاریخ 25 ستمبر ہے۔ اس طرح اس سال مانسون معمول کے وقت سے آٹھ دن کی تاخیر سے ریاست سے رخصت ہوا۔ مانسون نے 30 جون کو ہماچل پردیش میں داخلہ لیا تھا اور یکم جولائی تک پورے صوبے میں پھیل گیا تھا۔ اس بار مانسون کے دوران معمول سے 11 فیصد کم بارش ہوئی۔ پورے مانسون سیزن میں بارش سے متعلق حادثات میں 380 افراد کی موت ہوئی۔

مانسون کے دوران بارش سے متعلق حادثات میں ہماچل پردیش میں 380 افراد جاں بحق ہوئے، جبکہ چار افراد اب بھی لاپتہ ہیں۔ حادثات میں 637 افراد زخمی ہوئے ہیں۔ ریاست میں مانسون کے باعث تقریباً 3,231 کروڑ روپے کے نقصان کا تخمینہ لگایا گیا ہے۔ محکمہ تعمیرات عامہ کو سڑکوں اور پلوں کو پہنچنے والے نقصان سے تقریباً 2,744 کروڑ روپے کے نقصان کا اندازہ ہے۔

ہندوستھان سماچار

---------------

ہندوستان سماچار / عبدالواحد