نومبر میں خصوصی ٹرینوں کے اضافی پھیرے لگیں گے، تہواروں پر گھر آنے جانے والے مسافروں کو ملے گی سہولت
پریاگ راج، 29 اکتوبر (ہ س): دیوالی اور چھٹھ تہوار کے دوران ٹرینوں میں مسافروں کی بڑھتی بھیڑ کو دیکھتے ہوئے ہندوستانی ریلوے نے چار جوڑی خصوصی ٹرینوں کے چلانے کی مدت میں توسیع اور اضافی پھیرے لگانے کا فیصلہ کیا ہے۔ اس سے تہواروں کے دوران مسافروں کو آمد و رفت میں سہولت ملے گی اور باقاعدہ ٹرینوں پر بھیڑ کا دباؤ کم کرنے میں مدد ملے گی۔
شمال وسطی ریلوے کے تعلقات عامہ کے افسر امت مالویہ نے جمعرات کو یہ اطلاع دی۔ انہوں نے بتایا کہ ریلوے مسافروں کی سہولت اور سفر کو آسان بنانے کے لیے خصوصی ٹرینیں چلا رہا ہے۔
پونتنور-برونی خصوصی ٹرین کے چار اضافی پھیرے
ٹرین نمبر 06021 پونتنور جنکشن سے برونی کے درمیان ہر اتوار کو چلتی ہے۔ پہلے اس ٹرین کو یکم نومبر 2026 تک چلانے کا فیصلہ کیا گیا تھا، لیکن اب اس کی مدت بڑھا کر 8 نومبر سے 29 نومبر تک کر دی گئی ہے۔
اسی طرح ٹرین نمبر 06022 برونی-پونتنور خصوصی ٹرین ہر بدھ کو چلے گی۔ پہلے اس کا آخری مقررہ دن 4 نومبر تھا، جسے بڑھا کر 11 نومبر سے 2 دسمبر 2026 تک کر دیا گیا ہے۔ توسیع شدہ مدت کے دوران یہ ٹرین چار پھیرے لگائے گی۔
ادھنا-جےنگر کے درمیان خصوصی ٹرینیں
ٹرین نمبر 09073 ادھنا-جےنگر خصوصی ٹرین یکم اور 8 نومبر کو چلائی جائے گی۔ واپسی میں ٹرین نمبر 09074 جےنگر-ادھنا خصوصی ٹرین 3 اور 10 نومبر کو چلے گی۔
اسی روٹ پر ٹرین نمبر 09071 ادھنا-جےنگر خصوصی ٹرین بھی یکم اور 8 نومبر کو چلائی جائے گی، جبکہ واپسی میں ٹرین نمبر 09072 جےنگر-ادھنا خصوصی ٹرین 3 اور 10 نومبر کو چلائی جائے گی۔
باندرا ٹرمینس-گورکھپور ٹرین کے بھی اضافی پھیرے
ٹرین نمبر 09083 باندرا ٹرمینس-گورکھپور خصوصی ٹرین یکم اور 8 نومبر کو چلے گی۔ واپسی میں ٹرین نمبر 09084 گورکھپور-باندرا ٹرمینس خصوصی ٹرین 2 اور 9 نومبر کو چلائی جائے گی۔
مسافروں کی سہولت پر ریلوے کی توجہ
شمال وسطی ریلوے کے تعلقات عامہ کے افسر امت مالویہ نے بتایا کہ دیوالی اور چھٹھ جیسے بڑے تہواروں پر بڑی تعداد میں لوگ اپنے گھروں کو آتے جاتے ہیں۔ مسافروں کی اضافی بھیڑ کو دیکھتے ہوئے خصوصی ٹرینوں کے چلانے کی مدت میں توسیع کی جا رہی ہے، تاکہ لوگوں کو سفر کے لیے مزید متبادل مل سکیں اور ان کا سفر آسان ہو۔
ریلوے نے مسافروں کو مشورہ دیا ہے کہ سفر سے پہلے ٹرین کے اوقات، اسٹاپ اور نشستوں کی دستیابی کے بارے میں سرکاری ریلوے ذرائع سے معلومات حاصل کر لیں۔
ہندوستھان سماچار
---------------
ہندوستھان سماچار / عبدالسلام صدیقی
