گنگٹوک، 29 اکتوبر (ہ س): سمندری طوفان ’ارنب‘ کے اثر سے سکم کے موسم میں تبدیلی آئی ہے۔ جمعرات کی صبح سے ہی ریاست کے مختلف علاقوں میں بارش ہو رہی ہے، جبکہ اونچائی والے علاقوں میں برف باری ہوئی ہے۔ بارش اور برف باری کے باعث ریاست کے مختلف مقامات پر سردی بڑھ گئی ہے۔

خلیج بنگال میں پیدا ہونے والا سمندری طوفان ’ارنب‘ آندھرا پردیش کے ساحلی علاقے میں داخل ہونے کے بعد کمزور پڑ رہا ہے۔ تاہم، مشرقی اور شمال مشرقی ہندوستان کے مختلف علاقوں میں بارش ہونے کا امکان ہے۔ محکمہ موسمیات ہند کے مطابق، 29 اکتوبر کو سکم اور مغربی بنگال کے کچھ علاقوں میں موسلادھار بارش ہو سکتی ہے۔

بارش کے ساتھ ہی ریاست کے اونچائی والے علاقوں میں ہلکی برف باری بھی ہوئی ہے۔ مشرقی سکم میں ہندوستان-چین سرحد کے قریب واقع ناتھولا، کپُپ اور ناتھنگ وادی میں برف باری ہوئی ہے۔ اونچے ہمالیائی علاقوں میں برف باری کے بعد سردی میں مزید اضافہ ہو گیا ہے۔

قابل ذکر ہے کہ سمندری طوفان ’ارنب‘ ابتدا میں خلیج بنگال میں کم دباؤ والے علاقے کے طور پر پیدا ہوا تھا۔ آہستہ آہستہ اس کی شدت میں اضافہ ہوا، لیکن آندھرا پردیش کے ساحلی علاقے سے زمین پر داخل ہونے کے بعد یہ کمزور پڑنے لگا۔

ہندوستھان سماچار

---------------

ہندوستھان سماچار / عبدالسلام صدیقی