کاٹھمنڈو، 24 اکتوبر (ہ س)۔ ہندوستان میں اگلے ہفتے طاقتور طوفان آنے کے امکان کو دیکھتے ہوئے نیپال کے محکمہ موسمیات نے یہاں بھی ہائی الرٹ جاری کیا ہے۔

نیپال محکمہ موسمیات کے مطابق، خلیج بنگال کے مشرقی-وسطی اور اس سے متصل جنوب-مشرقی حصے میں کم دباو کا علاقہ تیار ہوا ہے۔ اس کے اثر سے نیپال کا موسم آئندہ 11 سے 15 نومبر تک متاثر ہو سکتا ہے۔ محکمے نے بتایا کہ اس دوران نیپال کے بیشتر علاقوں میں شدید بارش کا امکان ہے۔ تاہم، موسمیاتی ڈویژن نے کہا ہے کہ اس نظام کے باعث نیپال میں ہونے والی بارش کے حجم، خطرے کی سطح اور ممکنہ اثرات کو مدنظر رکھتے ہوئے ہائی الرٹ جاری کیا گیا ہے۔

آج صبح جاری کردہ اطلاع میں محکمہ موسمیات نے کہا کہ ممکنہ ناموافق موسم کے باعث ٹریفک، زراعت اور سیاحت کے شعبوں پر اثر پڑ سکتا ہے۔ اس کے پیش نظر تمام متعلقہ افراد اور اداروں سے چوکس رہنے کی اپیل کی گئی ہے۔

ہندوستھان سماچار

---------------

ہندوستان سماچار / انظر حسن