جموں, 20 اکتوبر (ہ س)۔ جموں و کشمیر کے ضلع راجوری کے چھٹیار گاؤں میں مندر کے قریب ایک گرینیڈ برآمد ہونے سے علاقے میں تشویش پھیل گئی۔ پولیس نے بم ناکارہ بنانے والے دستے کی مدد سے گرینیڈ کو محفوظ طریقے سے ایک ویران مقام پر کنٹرولڈ دھماکے کے ذریعے تباہ کر دیا۔ واقعے میں کسی قسم کے نقصان کی اطلاع نہیں ہے۔

حکام کے مطابق منگل کو کچھ بچے مندر کے قریب تعمیراتی سامان کے ساتھ کھیل رہے تھے کہ اس دوران انہیں ایک گرینیڈ دکھائی دیا۔ اس کی اطلاع گاؤں کے سرپنچ نے مقامی پولیس کو دی، جس کے بعد پولیس ٹیم بم ناکارہ بنانے والے دستے کے ہمراہ موقع پر پہنچی۔

پولیس نے احتیاطی کارروائی کے بعد گرینیڈ کو قریبی ویران مقام پر تباہ کر دیا۔ حکام کے مطابق پولیس نے معاملے کی تحقیقات شروع کر دی ہیں تاکہ یہ معلوم کیا جا سکے کہ گرینیڈ گاؤں تک کیسے پہنچا۔ ابتدائی تحقیقات میں شبہ ظاہر کیا گیا ہے کہ گرینیڈ تعمیراتی سامان کے ساتھ گاؤں میں پہنچا ہوگا۔

ہندوستھان سماچار

---------------

ہندوستان سماچار / محمد اصغر