حصار، 19 اکتوبر ( ہ س):۔

پولیس نے غیر قانونی طور پر پٹاخے تیار کرنے اور ذخیرہ کرنے کے خلاف کارروائی کرتے ہوئے ملّاپور-اسراواں روڈ پر واقع ایک فیکٹری میں چھاپہ مارا۔ اس دوران پولیس نے موقع سے 633 ڈبوں میں رکھے تقریباً پانچ ہزار کلوگرام پٹاخے برآمد کیے۔ پولیس کے مطابق، برآمد شدہ پٹاخوں کی تخمینی قیمت تقریباً تین کروڑ روپے ہے۔ اس معاملے میں حصار کے رہنے والے کپل کو گرفتار کیا گیا ہے۔

پولیس ترجمان کے مطابق اطلاع ملی تھی کہ فیکٹری کے احاطے میں غیر قانونی طور پر پٹاخے تیار کیے جا رہے ہیں اور انہیں ذخیرہ کیا جا رہا ہے۔ اس اطلاع کی بنیاد پر پولیس ٹیم نے پیر کے روز موقع پر پہنچ کر چھاپہ مارا، جہاں سے بھاری مقدار میں پٹاخے برآمد ہوئے۔

ابتدائی تحقیقات میں معلوم ہوا کہ جس احاطے میں پٹاخے تیار کیے جا رہے تھے، وہاں اصل میں پلاسٹک دانے بنانے کی فیکٹری قائم تھی۔ الزام ہے کہ فیکٹری کے مالک نے اس احاطے کو پٹاخے تیار کرنے کے لیے 80 ہزار روپے ماہانہ کرایے پر دے رکھا تھا۔

پولیس اب اس بات کی بھی جانچ کر رہی ہے کہ احاطہ کرایے پر دینے سمیت اس معاملے میں کن لوگوں کا کردار رہا ہے۔

غیر قانونی طور پر پٹاخے تیار کرنے اور ذخیرہ کرنے کے سلسلے میں آدم پور تھانے میں مقدمہ درج کیا گیا ہے۔ پولیس تحقیقات کے ذریعے یہ معلوم کرے گی کہ پٹاخے کہاں تیار کیے جا رہے تھے اور انہیں کن مقامات پر سپلائی کیا جانا تھا۔ اس معاملے سے وابستہ دیگر افراد کے کردار کی بھی جانچ کی جا رہی ہے۔

ہندوستھان سماچار

ہندوستان سماچار / عطاءاللہ