کاٹھمنڈو، 18 اکتوبر (ہ س)۔ نیپال کو تہوار کے سامان کی فراہمی کو آسان بنانے کے لیے نیپال اور چین کے درمیان تاتوپانی بارڈر کراسنگ کو آج سے عارضی طور پر کھول دیا گیا ہے۔ ناکا کھلتے ہی چین کے خود مختار علاقے تبت سے کارگو گاڑیاں صبح سے نیپال میں داخل ہونا شروع ہو گئی ہیں۔
تاتوپانی کسٹم آفس کے سربراہ دیپیندر پرکاش گری کے مطابق چینی فریق نے تہوار کے سامان اور دیگر ضروری اشیاء کی فراہمی کو ہموار کرنے کے مقصد سے تین دن کے لیے ناکا کھول دیا ہے۔
سندھوپال چوک انڈسٹریز اینڈ کامرس ایسوسی ایشن کے صدر بدھا راج باسنیٹ نے کہا کہ لپنگ اور کوڈاری کے علاقے میں کنٹینرز کی لمبی قطاریں تھیں۔ ان کے مطابق تبت کے نیالم میں 45 سے زیادہ کنٹینر نیپال میں داخل ہونے کا انتظار کر رہے ہیں۔
چین نے اس سے قبل 31 اگست سے اگلے نوٹس تک تاتوپانی سرحدی چوکی کو مکمل طور پر بند کرنے کا اعلان کیا تھا۔ اب اسے عارضی طور پر دوبارہ کھول دیا گیا ہے۔
ہندوستھان سماچار
--------
ہندوستان سماچار / عبدالسلام صدیقی
