واشنگٹن، 15 اکتوبر (ہ س)۔

امریکی صدر ڈونالڈ ٹرمپ نے واضح کیا ہے کہ 2009 میں ٹیکساس کے فورٹ ہڈ فوجی اڈے پر 13 افراد کے قتل کے مجرم سابق فوجی معالج ندال حسن کی سزائے موت کا براہِ راست نشر نہیں کیا جائے گا۔ ٹرمپ نے جمعرات کو سوشل میڈیا پلیٹ فارم ’ٹروتھ سوشل‘ پر یہ اعلان کیا۔

ٹرمپ کا یہ فیصلہ امریکی وزیر دفاع پیٹ ہیگسیتھ کے اس اعلان کے بعد سامنے آیا، جس میں انہوں نے حسن کو فائرنگ اسکواڈ کے ذریعے دی جانے والی سزائے موت کو عوامی سطح پر نشر کرنے کی بات کہی تھی۔ اس تجویز پر ریپبلکن اور ڈیموکریٹک، دونوں جماعتوں کے رہنماوں نے اعتراض کیا تھا۔

ٹرمپ نے اپنے پیغام میں کہا کہ بہت سے نیک نیت لوگ حسن کو مرتے ہوئے کسی آن لائن نشریات یا دوسرے بصری ذرائع کے ذریعے نہیں دیکھنا چاہتے۔ انہوں نے واضح کیا کہ حسن کو طے شدہ پروگرام کے مطابق فائرنگ اسکواڈ کے ذریعے سزائے موت دی جائے گی، لیکن اس واقعے کا براہِ راست نشر نہیں ہوگا۔

ہندوستھان سماچار

ہندوستان سماچار / عطاءاللہ