کاٹھمنڈو، 14 اکتوبر (ہ س)۔ نیپال کی حکمران راشٹریہ سوتنتر پارٹی (آر ایس پی) کے رکن پارلیمنٹ کھگیندر سنار ایک بار پھر تنازعہ میں پڑ گئے ہیں۔ ایک خاتون کی شائستگی کو ٹھیس پہنچانے اور اسے جان سے مارنے کی دھمکی دینے سے متعلق آڈیو منظر عام پر آنے کے بعد ان کے خلاف تحقیقات کا آغاز کردیا گیا ہے۔

بانکے سے منتخب ہونے والے وفاقی رکن پارلیمنٹ کھگیندر سنار کی جانب سے مبینہ طور پر مجرمانہ جرم کرنے کی دھمکی کے بعد آر ایس پی نے داخلی تحقیقات کا آغاز کردیا ہے۔ اتنا ہی نہیں ایم پی سنار پر پارٹی کی جانب سے کسی بھی عوامی پروگرام میں شرکت پر پابندی عائد کر دی گئی ہے۔ تاہم حکومت کی جانب سے ابھی تک اس معاملے پر کوئی ردعمل سامنے نہیں آیا ہے۔

بدھ کی صبح جاری کردہ ایک بیان میں پارٹی کے جنرل سکریٹری وپن کمار اچاریہ نے کہا، ان معاملات کی سنگینی کو مدنظر رکھتے ہوئے جو سامنے آئے ہیں، ہمیں یقین ہے کہ ریاست کے متعلقہ ادارے فوری طور پر ایک آزاد، غیر جانبدارانہ اور حقائق پر مبنی تحقیقات کریں گے۔ انہوں نے کہا کہ اس معاملے میں حکومت میں شامل عہدیداروں کے ساتھ غیر رسمی بات چیت جاری ہے۔

اس آڈیو کو مقامی میڈیا نے عام کیا تھا۔ آڈیو میں مبینہ طور پر ایک خاتون کو دھمکی دی گئی ہے کہ اگر وہ وقت پر رقم ادا نہیں کرتی ہے تو اسے جان سے مار دیا جائے گا۔ سنار حکمران راشٹریہ سوتنتر پارٹی کے مرکزی رکن بھی ہیں۔

ہندوستھان سماچار

--------

ہندوستان سماچار / عبدالسلام صدیقی