نئی دہلی، 13 اکتوبر(ہ س)۔ چیف الیکشن کمشنر گیانیش کمار کے خلاف احتجاج کے دوران پولیس کی جانب سے وکلا کی گرفتاری کے خلاف منگل کو وکلا سپریم کورٹ کے احاطے میں جمع ہوئے۔ اس موقع پر آئین کا دیباچہ پڑھا گیا اور حراست میں لیے گئے وکلا اور پُرامن احتجاج میں شامل شہریوں کے ساتھ یکجہتی کا اظہار کیا گیا۔

اس دوران وکلا کو حراست میں لیے جانے کی مذمت کی گئی۔ احتجاج میں شامل وکلا نے کہا کہ ان کا مقصد آئینی اقدار کے تئیں اپنی وابستگی کا اظہار کرنا اور پُرامن احتجاج کے حق کا استعمال کرنے والے وکلا کی گرفتاری کے خلاف آواز اٹھانا تھا۔

وکلا نے آئینی اداروں کی آزادی اور سالمیت کے تحفظ کی اہمیت پر زور دیتے ہوئے کہا کہ سیاسی اختلافات کی وجہ سے آئین کے تئیں ان کی مشترکہ وابستگی کمزور نہیں ہونی چاہیے۔

ہندوستھان سماچار

ہندوستان سماچار / Mohammad Khan