اسلام آباد، یکم اکتوبر (ہ س):

پاکستان نے افغانستان پر فضائی حملہ کرکے 22 دہشت گردوں کو ہلاک کرنے کا دعویٰ کیا ہے۔ طالبان حکومت نے کہا ہے کہ پاکستان کے فضائی حملے میں نو عام شہری ہلاک ہوئے ہیں۔ ’دی نیوز‘ اور ’دی بلوچستان پوسٹ‘ کی آج کی رپورٹ میں یہ اطلاع دی گئی ہے۔

پاکستان کی وزارتِ اطلاعات نے آج بتایا کہ یہ حملے آپریشن غضب الحق کا حصہ ہیں۔ فضائیہ کے طیاروں نے دہشت گردوں کے کیمپوں کو نشانہ بنایا۔ حملے میں کیمپوں میں موجود اسلحہ اور گولہ بارود بھی تباہ ہو گیا۔ وزارت نے تشویش ظاہر کی کہ افغانستان بدستور دہشت گردی کا مرکز بنا ہوا ہے۔

اس کے علاوہ دفاعی ذرائع نے آج بتایا کہ سکیورٹی فورسز نے بلوچستان کے کَچھی ضلع میں چھ دہشت گردوں کو ہلاک کر دیا۔ ذرائع کے مطابق ان کے قبضے سے بڑی مقدار میں اسلحہ اور گولہ بارود بھی برآمد کیا گیا۔ اس کارروائی کے دوران دہشت گردوں کے کئی ٹھکانوں اور سرنگوں کو بھی تباہ کر دیا گیا۔

طالبان حکومت کا کہنا ہے کہ جمعرات کو افغانستان میں پاکستان کی فضائی کارروائی میں تین مقامات کو نشانہ بنایا گیا ۔ اس دوران نو افراد ہلاک ہوئے۔ افغان طالبان کے ترجمان ذبیح اللہ مجاہد نے ’ایکس‘ پر کہا کہ کنڑ اور ہلمند صوبوں میں ہونے والے حملوں میں ہلاک ہونے والوں میں خواتین اور بچے بھی شامل ہیں، جبکہ 11 دیگر افراد زخمی ہوئے ہیں۔

ہندوستھان سماچار

ہندوستان سماچار / عطاءاللہ