بھاگلپور، 9 جنوری (ہ س)۔ ضلع کے پیرپینتی بلاک کے پیرپینتی پنچایت کے تحت پیرپینتی بازار کے مڈل اسکول میں سماج دشمن عناصر کے ذریعہ چوری اور توڑ پھوڑ کا معاملہ سامنے آیا ہے۔ صرف دو دن کے اندرا سکول سے چار پنکھے چوری ہو گئے۔ بیت الخلا کا دروازہ بھی ٹوڑدیا گیا۔اس واقعہ سے نہ صرف اسکول انتظامیہ بلکہ مقامی گاؤں والوں میں بھی غم و غصہ پھیل گیا ہے۔ اسکول کے پرنسپل رویندر پرساد سنگھ نے جمعہ کے روز پیرپینتی تھانہ میں تحریری شکایت درج کرائی۔ انہوں نے بتایا کہ کلاس 6 اے میں لگے چار پنکھے کی چوری ہوگی ہے۔قابل ذکر ہے کہ اسکول بند کردیا گیا جس سے پورا کیمپس ویران ہوگیا۔ اس کا فائدہ اٹھاتے ہوئے چوروں نے اسکول کو نشانہ بنایا۔ جب اساتذہ پہنچے تو انہیں چوری کا پتہ چلا۔ اگلے دن بیت الخلا کا دروازہ ٹوٹا ہوا پایا گیا۔ پرنسپل نے تشویش کا اظہار کرتے ہوئے کہا کہ حالات اس قدر بگڑ چکے ہیں کہ تعلیم کے مندر بھی اب محفوظ نہیں رہے۔انہوں نے یہ بھی بتایا کہ اسکول کے پیچھے آم کا باغ ہے جہاں کچھ سماج دشمن عناصر اکثر جوا کھیلتے نظر آتے ہیں۔ شبہ ظاہر کیا جا رہا ہے کہ اس واقعہ میں وہی عناصر ملوث ہو سکتے ہیں۔واقعہ کی اطلاع ملتے ہی پیرپینتی پنچایت کے سماجی کارکن محمد ساجد عرف لال نے اسکول کا دورہ کیا اور صورتحال کا جائزہ لیا۔ انہوں نے پیرپینتی تھانہ انچارج نیرج کمار سے ملاقات کی اور ان سے اس واقعہ میں ملوث ملزمین کے خلاف فوری کارروائی کرنے پر زور دیا۔ہندوستھان سماچار

ہندوستان سماچار / Mohammad Afzal Hassan