لکسمبرگ سٹی، 06 جنوری (ہ س)۔ وزیر خارجہ ڈاکٹر ایس جے شنکر نے منگل کو لکسمبرگ کے وزیر اعظم لیوک فریڈن سے ملاقات کی اور وزیر اعظم نریندر مودی کی طرف سے ان کے تئیں نیک خواہشات کا اظہار کیا۔

وزیر خارجہ اس وقت لکسمبرگ کے دورے پر ہیں۔ ایک ایکس پوسٹ میں، انہوں نے بتایا کہ اس ملاقات کے دوران، انہوں نے مالیاتی خدمات، سرمایہ کاری، ٹیکنالوجی اور اختراعات میں بڑھتے ہوئے تعاون پر تبادلہ خیال کیا۔ انہوں نے وزیر اعظم فریڈن کا شکریہ ادا کیا کہ وہ ہندوستان اور یورپی یونین کے مضبوط تعلقات کے لیے ان کی حمایت کرتے ہیں۔

قابل ذکر ہے کہ وزیر خارجہ ڈاکٹر جے شنکر 4 سے 10 جنوری تک فرانس اور لکسمبرگ کے سرکاری دورے پر ہیں۔

ہندوستھان سماچار

ہندوستان سماچار / محمد شہزاد