نئی دہلی، 6 جنوری (ہ س)۔ صارفین کے امور، خوراک اور عوامی تقسیم کے مرکزی وزیر پرہلاد جوشی نے منگل کو کہا کہ بیورو آف انڈین اسٹینڈرڈس (بی آئی ایس) کا مارک کئی شعبوں میں اعتماد کی علامت کے طور پر ابھرا ہے۔ انہوں نے کہا کہ بی آئی ایس صرف ایک ادارہ نہیں ہے بلکہ ایک مضبوط میراث ہے جس نے ملک کے سفر کو تشکیل دیا ہے۔

وزیر جوشی نے یہ بات نئی دہلی کے بھارت منڈپم میں بیورو آف انڈین اسٹینڈرڈز (بی آئی ایس) کے 79ویں یوم تاسیس کے موقع پر منعقدہ ایک تقریب میں کہی۔ پرہلاد جوشی نے اس بات پر زور دیا کہ معیار ایک ذمہ داری اور ایک مسابقتی فائدہ ہے، جس کے معیارات عمدگی، صارفین کے تحفظ، کاروبار کرنے میں آسانی، میک ان انڈیا اور آتم نر بھر بھارت کے معیارات کے طور پر کام کرتے ہیں۔

جوشی نے کہا کہ بی آئی ایس اپنے معیار، بھروسے اور عمدگی کی میراث کا جشن منا رہا ہے۔ مرکزی وزیر نے زیرو ڈیفیکٹ ، زیرو ایفیکٹ اور میڈ اِن انڈیا کو ٹرسٹڈ بائے انڈیا اور ٹرسٹڈ بائے دی ورلڈ میں تبدیل کرنے کے اجتماعی عزم کا اعادہ کیا۔

ہندوستھان سماچار

ہندوستان سماچار / محمد شہزاد