نئی دہلی، 7 جنوری (ہ س): ڈائریکٹوریٹ آف ریونیو انٹیلی جنس (ڈی آر آئی) نے دہلی اور اگرتلہ میں تلاشی کے دوران دبئی اور بنگلہ دیش سے کام کرنے والے ایک بڑے بین الاقوامی سونے کی اسمگلنگ سنڈیکیٹ کا پردہ فاش کیا۔ آپریشن میں 29 کلو گرام سے زیادہ غیر ملکی ساختہ سونا اور تقریباً 2.90 کروڑ روپے کی نقدی ضبط کی گئی۔

مخصوص انٹیلی جنس پر عمل کرتے ہوئے، ڈی آر آئی نے 6 جنوری کو ایک گھریلو لاجسٹکس گودام سے ایک بڑے سنڈیکیٹ ممبر کو گرفتار کیا جب وہ اگرتلہ، تریپورہ سے دو کنسائنمنٹس کی ترسیل لے رہا تھا۔ کنسائنمنٹس کی جانچ کرنے پر، ایجنسی نے 15 کلو گرام غیر ملکی اصل سونا برآمد کیا جس پر بین الاقوامی ریفائنری نشانات تھے، جن کی قیمت تقریباً 20.73 کروڑ روپے ہے۔

وزارت نے کہا کہ دہلی اور اگرتلہ میں متعدد مقامات پر بیک وقت تلاشی کے نتیجے میں 14.2 کلو گرام غیر ملکی سونا اور 2.90 کروڑ کی نقدی برآمد ہوئی جس میں ہندوستانی اور بنگلہ دیشی کرنسی بھی شامل ہے۔ یہ کسٹمز ایکٹ کے تحت 29.2 کلو گرام سونا ہے جس کی قیمت تقریباً 40 کروڑ، اور 2.9 کروڑنقد بھی برآمد کیا ہے۔ سنڈیکیٹ کے چار ارکان کو بھی گرفتار کر لیا گیا۔

ہندوستھان سماچار

---------------

ہندوستان سماچار / عبدالواحد