سارن پولیس نے ٹرک کے تہہ خانے سے 2593 لیٹر غیر ملکی شراب برآمد کیسارن، 5 جنوری (ہ س)۔ سارن پولیس نے بہار میں شراب بندی قانون کو نافذ کرنے میں ایک بار پھر بڑی کامیابی حاصل کی ہے۔ امتناعی یونٹ پٹنہ سے ایک اطلاع پر کارروائی کرتے ہوئے گرکھا تھانہ پولیس نے چھاپہ ماری کرکے کثیر مقدار میں غیر ملکی شراب اور غیر قانونی اسلحہ کا زخیرہ برآمد کیا ہے۔پولیس نے اس معاملے میں ایک اسمگلر کو گرفتار کر لیا ہے جبکہ دیگر کی تلاش جاری ہے۔ پولیس سپرنٹنڈنٹ کے دفتر کے مطابق اطلاع ملی تھی کہ پنٹو یادو اور ببلو سنگھ نامی اسمگلر گرکھا تھانہ علاقہ کے واجیت پور میں پنکج سنگھ کے گھر پر ٹرک کے ذریعے بڑی مقدار میں غیر ملکی شراب اتار رہے ہیں۔جب پولیس ٹیم نے جائے وقوعہ پر چھاپہ ماری کی تو 15-10 لوگ ٹرک سے ڈبوں کو اتار کر کار اور پک اپ وین میں لوڈ کر رہے تھے۔ پولیس کو دیکھتے ہی بیشتر اسمگلر اندھیرے کا فائدہ اٹھاتے ہوئے فرار ہونے میں کامیاب ہوگئے۔ مکمل تلاشی کے دوران ٹرک کے اندر خصوصی طور پر بنائے گئے سیلر سے کل 2593.08 لیٹر غیر ملکی شراب برآمد ہوئی۔پولیس نے نہ صرف شراب بلکہ اسمگلنگ میں استعمال ہونے والی گاڑیاں اور غیر قانونی اسلحہ بھی قبضے میں لے لیا۔ مرکزی وصول کنندہ پنکج سنگھ کی دکان کی تلاشی لینے پر دو پستول اور دو دیسی ساختہ پستول برآمد ہوئے۔تفتیش کے دوران پولیس نے ببلو سنگھ ولد آنجہانی سدرشن سنگھ ساکن گرکھا کو سون پور کے لالو یادو چوک سے گرفتار کیا۔ پولیس ریکارڈ کے مطابق گرفتار ملزم ببلو سنگھ کی مجرمانہ تاریخ طویل ہے۔ وہ اس سے قبل گرکھا تھانہ کے مقدمہ نمبر 230/23 اور 140/19 میں شراب کی اسمگلنگ سے متعلق مقدمات میں نامزد ہیں۔گرکھا پولیس نے اس معاملے میں مقدمہ نمبر 2/26 درج کر کے مزید تفتیش شروع کر دی ہے۔ پولیس اب اس پورے نیٹ ورک کے پیچھے اور آگے کے لنکس کی تحقیقات کر رہی ہے۔ پولیس حکام کا کہنا ہے کہ اس غیر قانونی دھندے میں ملوث دیگر وائٹ کالر مجرموں اورا سمگلروں کی نشاندہی کر لی گئی ہے اور جلد ان کی گرفتاری یقینی بنائی جائے گی۔ہندوستھان سماچار

ہندوستان سماچار / Mohammad Afzal Hassan