نئی دہلی، 22 جنوری (ہ س)۔

راجیہ سبھا کی رکن سواتی مالیوال نے کہا کہ ملک اور دہلی کے مختلف مقامات پر ڈیری مافیا گائے پر ظلم کر رہے ہیں۔ انہوں نے ان معصوم جانوروں کے خلاف ظلم کے سنگین مقدمات میں تعزیری دفعات کو مضبوط کرنے کی ضرورت پر زور دیا۔

سواتی مالیوال نے جمعرات کو سوشل میڈیا پلیٹ فارم ایکس پر ایک پوسٹ شیئر کی، جس میں کہا گیا کہ ڈیری مافیا گایوں کا دودھ نکالتے ہیں اور پھر انہیں سڑکوں پر چھوڑ دیتے ہیں، جہاں وہ کھانے کے لیے کچروں اور گندگی میں بھٹکتی ہیں۔ مالیوال نے کہا کہ بدھ کے روز وزیر آباد کے علاقے سے گزرتے ہوئے، انہوں نے ایک ایسا ہی المناک منظر دیکھا اور اہلکاروں کو موقع پر بلایا، گایوں کو بحفاظت گو¿ شالہ میں پہنچایا، اور ڈیری کے مالک کے خلاف ایف آئی آر درج کی جا رہی ہے۔

اس سے پہلے 17 دسمبر کو سواتی مالیوال نے راجیہ سبھا میں یہ مسئلہ اٹھاتے ہوئے کہا تھا کہ ڈیری مافیا اپنے منافع کے لیے گائے کا استحصال کر رہے ہیں۔ ہر روز، ہم سڑکوں پر لاتعداد زخمی گائیں دیکھتے ہیں، انہوں نے کہا کہ جانوروں پر ظلم کے سنگین معاملات میں بھی قانون میں صرف 50 روپے تک جرمانے کی گنجائش ہے جسے اب تبدیل کرنے کی ضرورت ہے۔

ہندوستھان سماچار

ہندوستان سماچار / عطاءاللہ