تاریخ کے آئینے میں 23 جنوری : سبھاش چندر بوس کے یوم پیدائش کو ’پراکرم دیوس‘ کے طور پر مناتے ہیں

23 جنوری 1897 میں آج ہی کے دن عظیم مجاہد آزادی نیتا جی سبھاش چندر بوس کی پیدائش اڈیشہ کے کٹک شہر میں ہوئی تھی۔ وہ ہندوستان کی جدوجہد آزادی کے سب سے بہادر، دور اندیش اور بااثر رہنماوں میں سے ایک تھے۔ بچپن سے ہی ان میں حب الوطنی کا جذبہ کوٹ کوٹ کر بھرا تھا۔ انہوں نے ہندوستانی سول سروس جیسی باوقار نوکری چھوڑ کر پوری طرح آزادی کی تحریک کو اپنی زندگی وقف کر دی۔ نیتا جی کا ماننا تھا کہ ہندوستان کو آزادی صرف پرامن تحریکوں سے نہیں، بلکہ مضبوط اور منظم جدوجہد سے ملے گی۔

نیتا جی سبھاش چندر بوس نے بیرون ملک جا کر آزاد ہند فوج کی تشکیل کی اور برٹش حکومت کو واضح انتباہ دیا۔ ”تم مجھے خون دو، میں تمہیں آزادی دوں گا“ ان کا سب سے مشہور نعرہ بنا، جس نے لاکھوں ہندوستانیوں میں نئی توانائی اور خود اعتمادی بھر دی۔ آزاد ہند سرکار کا قیام اور ”دلی چلو“ کا نعرہ ان کی بہادرانہ قیادت کی علامت تھا۔ انہوں نے یہ ثابت کیا کہ سچی قیادت وہی ہوتی ہے جو مشکل حالات میں بھی قومی مفاد کو سب سے اوپر رکھے۔

نیتا جی کے ناقابل تسخیر حوصلے، شجاعت اور حب الوطنی کو عزت بخشنے کے لیے ہر سال 23 جنوری کو ’پراکرم دیوس‘ منایا جاتا ہے۔ اسی دن 1897 میں ان کی پیدائش ہوئی تھی۔ حکومت ہند نے سال 2021 سے 23 جنوری کو سرکاری طور پر پراکرم دیوس کے طور پر منانے کا اعلان کیا۔ یہ دن ملک والوں کو نیتا جی کی قربانی، عزم اور حوصلے سے تحریک لینے کا موقع فراہم کرتا ہے۔

دیگر اہم واقعات:

1556 - چین کے شینسی صوبے میں آئے تباہ کن زلزلے میں ہزاروں لوگ مارے گئے۔

1570 - اسکاٹ لینڈ کے ریجنٹ مورے کے ارل کا قتل ہوا۔

1668 - انگلینڈ اور ہالینڈ نے باہمی تعاون کا معاہدہ کیا۔

1793 - ہیومن سوسائٹی آف فلاڈیلفیا کا قیام ہوا۔

1799 - فرانسیسی فوجیوں نے نیپلز اٹلی پر قبضہ کیا۔

1849 - الزبتھ بلیک ویل میڈیکل ڈگری حاصل کرنے والی پہلی امریکی خاتون بنیں۔

1849 - پروشیا نے آسٹریا کے بنا ’جرمن یونین‘ کی تجویز پیش کی۔

1913 - ترکیہ کے فوجی انقلاب میں ناظم پاشا مارے گئے۔

1920 - پہلی جنگ عظیم کے مجرم کے طور پر جرمنی کے ولیمس دوم کو اتحادی ممالک کے حوالے کرنے سے ہالینڈ نے انکار کیا۔

1924 - سوویت یونین نے 21 جنوری کو ہوئی لینن کی موت کا سرکاری اعلان کیا۔

1924 - سعودی عرب کے بادشاہ شاہ عبداللہ کا انتقال ہوا۔

1926 - ہندوستانی سیاست داں اور شیو سینا کے بانی بال ٹھاکرے پیدا ہوئے۔

1965 - درگاپور اسٹیل پلانٹ نے کام کرنا شروع کیا۔

1966 - اندرا گاندھی ہندوستان کی وزیر اعظم بنیں۔

1968 - شمالی کوریا نے امریکی جہاز یو ایس ایس پیوبلو کو اپنی سمندری سرحد کی خلاف ورزی کرنے کا الزام لگا کر ضبط کر لیا۔

1973 - ویتنام جنگ میں سمجھوتے کا اعلان امریکی صدر رچرڈ نکسن نے کیا۔

1977 - جنتا پارٹی کا قیام ہوا۔

1991 - عراق کی وزارت پٹرولیم نے گیسولین کی فروخت پر روک لگائی۔

1992 - ایسٹونیا کے وزیر اعظم ایڈگر سیویسار نے استعفیٰ دیا۔

1993 - عراق نے امریکی لڑاکا طیاروں پر طیارہ شکن توپوں سے حملے کا الزام غلط بتاتے ہوئے جنگ بندی پر عمل کرنے کا اعلان کیا۔

2002 - راشٹریہ جنتا دل صدر لالو پرساد یادو ضمانت پر رہا۔

2003 - نیپال کی چار اہم پارٹیوں کا شاہی نظام کے ذریعے منتخب حکومت کو برخاست کر لوکیندر بہادر چند کی قیادت میں بنائی گئی حکومت کا مشترکہ طور پر احتجاج۔

2004 - مدھیہ پردیش میں گائے کے ذبیحہ پر مکمل پابندی نافذ۔

2005 - اتر پردیش کے فیروز آباد میں فوج کے جوانوں نے فرکا ایکسپریس سے 6 لوگوں کو باہر پھینک دیا۔ 5 لوگ ہلاک اور ایک زخمی ہوا۔

2006 - ہندوستان نے پاکستان کو سب سے زیادہ ترجیحی ملک (ایم ایف این) کا درجہ دینے کی سفارش کو منظور کر لیا۔

2007 - ہندوستان اور روس کے درمیان درمیانی سائز کے کثیر المقاصد ٹرانسپورٹ طیارے کی پیداوار کے لیے ایک اعلان نامے پر دستخط ہوئے۔

2008 - خلیجی خطے میں اپنی موجودگی بڑھانے کے لیے بینک آف بڑودہ نے بحرین میں اپنا مکمل آپریشن شروع کرنے کا منصوبہ بنایا۔

2008 - انجینئرنگ کمپنی لارسن اینڈ ٹوبرو لمیٹڈ کو مغربی ایشیا سے 1057 کروڑ روپے کا آرڈر ملا۔

2008 - ایران کے خلاف تیسری پابندی لگانے کی تجویز پر دنیا کی سپر پاور کے درمیان اتفاق رائے ہوا۔

2009 - فلمی اور ٹیلی ویژن پروگراموں میں تمباکو نوشی کے مناظر پر عائد پابندی ختم ہو گئی۔

2020 - بین الاقوامی عدالت انصاف (آئی سی جے) نے ایک اہم حکم میں میانمار سے روہنگیا آبادی کو تحفظ دینے کو کہا۔

2020 - برطانیہ کی ملکہ الزبتھ دوم نے برطانوی حکومت کے بریگزٹ قانون کو منظوری دی۔

2020 - وزارت داخلہ نے ’سبھاش چندر بوس ڈیزاسٹر مینجمنٹ ایوارڈ‘ 2020 کے فاتحین کا اعلان کیا۔

2020 - بدعنوانی کے تصور کے انڈیکس میں ہندوستان 80 ویں مقام پر آ گیا، جبکہ سال 2018 میں 78 ویں مقام پر تھا۔ ڈنمارک اور نیوزی لینڈ مشترکہ طور پر سرفہرست ہیں۔

ہندوستھان سماچار

---------------

ہندوستان سماچار / انظر حسن