نئی دہلی، 20 جنوری (ہ س)۔

سپریم کورٹ اس سوال پر غور کرے گا کہ آیا انفورسمنٹ ڈائریکٹوریٹ (ای ڈی) آئین کے آرٹیکل 226 کے تحت درخواست دائر کر سکتا ہے۔ جسٹس دیپانکر دتا کی سربراہی والی بنچ نے کیرالہ اور تمل ناڈو حکومتوں کی طرف سے دائر درخواست پر سماعت کرتے ہوئے ای ڈی کو نوٹس جاری کیا۔کیرالہ اور تمل ناڈو حکومتوں نے آرٹیکل 226 کے تحت درخواست دائر کرنے کے ای ڈی کے حق کو برقرار رکھنے کے کیرالہ ہائی کورٹ کے حکم کو چیلنج کیا ہے۔ آرٹیکل 226 کے تحت ہائی کورٹ میں رٹ درخواستیں دائر کی جاتی ہیں۔

26 ستمبر 2025 کو، کیرالہ ہائی کورٹ کی ایک ڈویڑن بنچ نے سنگل بنچ کے حکم کو برقرار رکھا جس نے 2020 کے سونے کی اسمگلنگ کیس کی عدالتی تحقیقات پر روک لگا دی تھی۔ جوڈیشل انکوائری کا حکم ان الزامات کے بعد دیا گیا تھا کہ ای ڈی ملزم پر کیرالہ کے وزیر اعلیٰ کو سونے کی اسمگلنگ کیس میں پھنسانے کے لیے دباو¿ ڈال رہا تھا۔ کیرالہ حکومت نے ہائی کورٹ کے سنگل بنچ کے حکم کو ڈویڑن بنچ میں چیلنج کیا۔

ہندوستھان سماچار

ہندوستان سماچار / Mohammad Khan