نئی دہلی، 2 جنوری (ہ س)۔

نئے سال میں دہلی-این سی آر میں ہوا کے معیار میں قدرے بہتری آئی ہے۔ جمعہ کو دہلی کا ایئر کوالٹی انڈیکس (اے کیو آئی) 236 ریکارڈ کیا گیا۔

ہوا کے معیار کی موجودہ صورتحال کے پیش نظر، کمیشن فار ایئر کوالٹی مینجمنٹ (سی اے کیو ایم) کی ذیلی کمیٹی نے پورے این سی آر سے گریپ 3 پابندیوں کو فوری اثر سے ہٹانے کا فیصلہ کیا ہے۔ موجودہ گریپ فیز 1 اور 2 کے تحت تمام اقدامات این سی آر میں برقرار رہیں گے۔

کمیشن فار ایئر کوالٹی مینجمنٹ (سی اے کیو ایم) نے ایک حکم جاری کیا جس میں کہا گیا ہے کہ دہلی-این سی آر خطے میں ہوا کے معیار میں نمایاں بہتری کے پیش نظر جمعہ کوگریپ 3 پابندیاں ہٹا دی گئیں۔ ہوا کے معیار کی موجودہ صورتحال کے پیش نظر،سی اے کیو ایم کی گریپ سب کمیٹی نے پورے این سی آر میں گریپ فیز 3 کے تحت تصور کیے گئے تمام اقدامات کو فوری اثر سے اٹھانے کا فیصلہ کیا ہے۔

اس میں کہا گیا ہے کہ دہلی کا ایئر کوالٹی انڈیکس (اے کیو آئی) جو کل 380 تھا، نمایاں طور پر بہتر ہوا ہے اور آج شام 4 بجے 236 تک گر گیا۔ گریپ3 کی پابندیوں کے تحت غیر ضروری تعمیرات اور مسماری کی سرگرمیاں روک دی گئی تھیں۔ا سٹون کرشنگ اور کان کنی کا کام بھی بند ہے۔ گھر سے کام کرنے کے مشورے جاری کیے جاتے ہیں۔ دوسری ریاستوں سے دہلی آنے والی ڈیزل بسوں پر بھی پابندی ہے۔

ہندوستھا سماچار

ہندوستان سماچار / عطاءاللہ